The Definitive Guide to Living in the Capital , Cairo , Egypt

كيوي

كيوي: مطعم أسعاره مناسبة في المعادي

  • 84, شارع 9
  • 0227508356,0227508355
  • 9 صباحاً - منتصف الليل
تم التقييم بواسطة
Anne de Groot
قيم
قيم الآن
كيوي: مطعم أسعاره مناسبة في المعادي

لو أنت جعان في مرة وأنت في المعادي، شارع 9 مكان ضامن أنك هـ تقدر تسد فيه
جوعك لأنه مليان مطاعم كثيرة قوي، واحد منهم هو «كيوي – Kiwi». الاسم ممكن يكون غريب شوية
خاصة أن مافيش «كيوي» في المنيو، كلن عرفنا أن المطعم اسمه كده على اسم عصفور
الكيوي مش على اسم الفاكهة، بس الحمد لله أن برضه العصفور ما كانش في المنيو.

تصميم “كيوي”
من جوه مودرن وشبابي وفيه حاجات لونها أخضر كثير، على الحوائط هـ تلاقي مقولات
وأقوال مقتبسة وصور للعصفور “كيوي”، وفيه حوائط ثانية عليها خشب. الكافيه
مقسم لجزئين: واحد للمدخنين والثاني لغير المدخنين، المكان كل أثاثه كراسي وترابيزات
من البلاستيك لهم ألوان مختلفة، فيه شاشات تليفزيون بـ تعرض فيديوهات MTV ولما كنا هناك كانت الموسيقى الشغالة مزيج من أغاني اللاونج
الهادئة.

في وقت زيارتنا كان المكان زحمة وفيه دوشة كثير، دخلنا المكان من غير حجز وقعدنا
على البار لغاية ما فضيت ترابيزة، رغم أن المكان كان زحمة لكن الخدمة كانت كويسة
جدًا وسريعة ولطيفة.

منيو “كيوي”
مناسب للأفطار، الغذاء، والعشاء. إحنا رحنا هناك وقت العشاء وجربنا rocket and parmigiano Salad
بـ 34 جنيه كمقبلات. السلاطة كانت فريش مع المشروم والطماطم المجففة.
ممكن تحط زيت زيتون زي ما أنت عايز. المطبخ مش بـ يحط أي إضافات على السلاطة. ما كانش
فيه جبنة كفاية على الجرجير فالسلاطة ما كانش لها طعم.

للطبق الرئيسي طلبناpollo and broccoli Pasta  بـ 44 جنيه وthe tournedos بـ ييجي بثلاثة أنواع صوص بـ 82 جنيه.
المكرونة ما كانش فيها بروكلي كثير وكان فيها ريحان أكثر ما توقعنا. رغم أن صوص
البيستو كان قوي لكن الريحان كان مغطي على طعمه.

الطبق ده
مضمون حلو قوي علشان تجربه بس إحنا ما تخيلناش أنه هـ يكون كده لما طلبنا.

التورنيدوس
كانوا مستويين مش أوي زي ما طلبنا وكان معها صوص المشروم الكريمي وكانوا مستخدمين
كمية كبيرة من المشروم. أما صوص المسطردة ما كانش حلو قوي، كان فيه طعم مزز مش حلو
قوي وكان طعمها زبدة أكثر من أنه مسطردة. صوص الفلفل كان أكنه مرقة وكان موجود فيه
فلفل.

اللحمة كانت
مشوية بطريقة كويسة بس مغطاة بصوص كثير وكان صعب نحس بطعم اللحمة نفسه من كثر
الصوص، كل أنواع الصوص كانت على طبق واحد وده خلى شكل الطبق مبهدل. الأطباق
الجانبية كانت خضار مشوي وبطاطس مهروسة، البطاطس المهروسة ما كانش لها طعم وما كانش
طعمها فريش.

أما الحلو،
فـ طلبنا براونيز بـ 36 جنيه وجاءت في طبق كبير في آيس كريم وصوص الشوكولاتة. صوص
البراونيز كان سميك شوية، رغم أن كان طعمها حلو لكن ما كانش فيها حاجة مميزة.

الأطباق
الرئيسية كانت مُحبِطة شوية بعد السلاطة الحلوة، لكن كيوي بـ يقدم أنواع أكل
بأسعار كويسة لو أنت في شارع تسعة وعايز وجبة سخنة.

نصيحة 360

لو أنت مش عارف تأكل إيه دور على شكل كيوي في المنيو لأنها دليل لأفضل الأطباق عندهم.

أحسن حاجة

الخدمة كانت سريعة رغم أن المطعم كان زحمة.

أسوأ حاجة

صوص المسطردة كان مزز قوي.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح