The Definitive Guide to Living in the Capital , Cairo , Egypt

مطاعم
لا كازيتا – La Casetta

لا كازيتا: مطعم أكلات إيطالية سمعته طيبة في مدينة نصر

تم التقييم بواسطة
Angie El Batrawy
قيم
قيم الآن
لا كازيتا: مطعم أكلات إيطالية سمعته طيبة في مدينة نصر

خلف جنينة مول موجود واحد من أقدم
المطاعم الإيطالية وأشهرها على الإطلاق في مدينة نصر.. «لاكازيتا»، أصحابنا الأكبر
مننا سنًا نصحونا نروحه وقالوا لنا أنهم من زمان وهما كانوا بـ يعتبروه قعدتهم
الدائمة والمكان اللى بـ ينط فى دماغهم أول ما يفكروا يروحوا مطعم حلو.. ما دام
كده.. ليه لأ؟ ما نجرب.

الديكور من الداخل تحسه قديم
وأغلبه خشبي وطبعًا بـ يغلب عليه اللون البني، عرفنا أنه ما تغيرش من فترة
الثمانينات (تحديدًا 1985)، الإضاءة خافتة جدًا أشبه بإضاءة مطاعم “سبكترا”،
والأغاني والموسيقى قديمة وهادئة.

الجرسون اللى كان معانا ودود جدًا ومتعاون تحس من معاملته
أنك فى مطعم غير عادي، لما بـ تقعد وتطلب بـ ينزل لك سلة عيش محمص بالثوم مجاملة
من المطعم، ومعاها زجاجة مياه صغيرة (7.95 جنيه)

المنيو مليان باختيارات كثير من أنواع المكرونة من أول الـ “بولونيز” لغاية الـ “أرابياتا”، ده غير اختيارات
الأطباق الرئيسية الكثيرة من الفراخ واللحوم والأسماك، وكمان الأصناف الجانبية زى
الأرز والمكرونة والسلاطات والبطاطس المسلوقة والمحمرة كمان، وطبعًا المشروبات
والتحلية.

طلبنا شوربة
طماطم (22.95 جنيه) وجاءت لنا ساخنة وقوامها ثقيل وعليها من فوق مكعبات عيش محمص
لذيذة، كانت حلوة قوي، وقلنا نفتح نفسنا فى السلاطات بفلانتينو سالاد (29.95 جنيه)
ودي عبارة عن شرائح لحوم وفراخ مع الخس والصوص الأبيض معاها زيتون، كانت حلوة قوي
وباردة وطعم الفراخ المستوية (أكثر من اللحمة) كان لحو قوي وبـ يذوب فى الفم،
اللى ضايقنا بس أن الزيتون كان بالبذرة بتاعته فى السلاطة!

جربنا فى الأطباق الرئيسية كانيلونى
دي لا نونا (35.95 جنيه)، اللى مش عارف الكانيلونى هى لفائف عجين إيطالية بـ تكون
محشية لحمة مفرومة، جاءت لنا بحجم كبير ومرشوش عليها جبنة موتزاريلا سايحة خلت
تجربة قطم كل جزء منها استثنائية، بجد الجبنة أضافت كثير للوجبة واللحمة المفرومة
كانت مستوية حلو وغنية، جربنا كمان فييل لا كازيتا (75.95 جنيه) وبـ تختار معاه
طلب جانبى واحد أو Garnish
زي ما هما مسميينه هناك، أخذنا بطاطس مهروسة مع شرائح اللحم بالصوص والليمون، كانت
خرافية والصوص غنى وقعدنا نحطه على كل حاجة بـ نأكلها.

“لا كازيتا” مكان مميز
وله سمعة طيبة بقى له زمن، وإحنا عرفنا دلوقت سر بقاءه بالتميز والسمعة دى لحد
دلوقت، خاصة أن محبى الأكل الإيطالى كثير فى مصر.

نصيحة 360

لما دفعنا الحساب جاء لنا هدية مع الشيك ثلاثة فوندام لونهم أزرق هدية، وكمان 7 ورقات نقدية (فالصو) فئة كل منها 5 جنيهات عليها لوجو المطعم، طلع أنها فكرة مبتكرة من المطعم احتفالاً بمرور 25 سنة أنك ممكن تستعمل الخمس جنيهات دي فى أى فرع من فروع لا كازيتا الستة سواء فى المطعم أو خدمة التيك أواى (ولا تستبدل بنقود)، ومكتوب عليها تاريخ انتهاء لاستخدامها.

أحسن حاجة

أكل إيطالي معمول بمزاج وحرفنة.

أسوأ حاجة

النور الخافت اللى مش عارفين نشوف المنيو منه.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح