The Definitive Guide to Living in the Capital , Cairo , Egypt

مطاعم
لو ديك – Le Deck

لو ديك: سيمفونية فرنسية يابانية مدهشة من الشيف لوران بيجو

  • فندق سوفيتل الجزيرة القاهرة
  • عالمي
  • 7 مساءً - منتصف الليل -
تم التقييم بواسطة
Ramy Soliman
قيم
قيم الآن
لو ديك: سيمفونية فرنسية يابانية مدهشة من الشيف لوران بيجو

جوردون رامزي قال في يوم "بكيت لما فقدت نجومي.. كأني فقدت حبيبة عمري". أيوه يا جماعة الموضوع كبير؛ إن مطعم يكسب أو يخسر نجمة ميشلان اللي يعتبر في مقام جائزة الأوسكار بالنسبة لعالم الأكل فالموضوع مش سهل، وعلشان كده خبر استعانة لو ديك بالشيف لوران بيجو الحاصل على نجمة ميشلان حدث مهم وتجربة فريدة من نوعها.

مش بس المنيو اتجددت، تصميم المكان نفسه اتغير. لو ديك موجود في سوفيتيل الجزيرة على التراس مع إطلالة ساحرة على النيل. استخدامهم كمان للونين الأبيض والأسود مع لمسات أنيقة من الرمادي والبنفسجي عملوا شكل ممتع للمكان، وكل ده وأنت بتتفرج على الشيف المحترف في المطبخ/البار الموجود في وسط المكان.

رحبوا بينا – حتى قبل ما نفتح المنيو–بملعقتين جيلي جزر عليهم قطع بصل صغيرة مقرمشة. بصراحة بداية ولا أروع مع الجيلي بالجزر بقوامه الغني المميز وطعمه الرائع. نروح للمنيو المليانة اختيارات لذيذة –والمنيو بتكون موجودة على جهاز تابلت –وبصراحة احترنا نطلب إيه من جمالها، وفي الأخر قررنا نطلب منيو لو ديك المكونة من 6 أكلاتsix-course degustation menu(580 جنيه للفرد).

المفروض إن المقبلات تكون جبنة فيتا بالطماطم وخيار، لكن إحنا غيرنا لشوربة بازلاء بآيس كريم واسابي- نعناع، كلام كبير مش كده؟ البازلاء الطازة عليها الآيس كريم اللي عمل طعم سبايسي هايل وكلهم محطوطين في طبق فيه شوربة بازلاء خضراء باردة، وكل حاجة فيهم بتتقدم لوحدها. قوام الشوربة كان هايل والنكهات ماشية مع بعضها والآيس كريم كان قنبلة موقوتة لذيذة عملت شوربة ماحصلتش.

نروح لثاني طبق وهو فيليه ثعابين كريسبي. الثعابين الطرية كانت تحفة والطبقة الخارجية المقرمشة كانت لذيذة ومعاهم مخلل. الطبق معاه فجل ومايونيز مسكر عملوا شغل حلو مع المخلل. تركيبة الطبق بشكل عام كانت متوازنة وطعم الثعابين كان جميل.

بعدها كان الدور على Dengaku Shrimp and Eggplants وده عبارة عن قطعتين جمبري مشويين ومعاهم باذنجان صغير وباذنجان مهروس تحفة، وكلهم عليهم صوص Dengaku. شكل الطبق نفسه يفتح النفس، والجمبري مع الباذنجان المهروس عملوا دويتو خطير، وصحيح الباذنجان الصغير كان له طعم قوي لاذع بس البصل المشوي وزن طعم الأكل.

بعد الجمبري كان الدور على ترياكي ستربلوين واجيوTeriyaki striploin Wagyu، وده نوع من اللحوم البتلو معمول على الطريقة اليابانية. يمكن الطبق شكلًا يعتبر أقل من اللي فات، لكن طعمه كان حكاية بدايةً من الجزر المهروس اللذيذ والخضار المشوي لغاية لحم الواجيو المتسويmedium rare (وده بناءً على نصيحة الشيف) وصوص ترياكي – قوامه قريب من الصلصة – وبصل أخضر مشوي.

أخر طبق معانا قبل الحلو هو جبن الماعز في عيش بلدي. الشيف في الطبق ده عايز يدخل عنصر مصري مع الكوكتيل الفرنسي-الياباني في طبق واحد تستمع به مع أصحابك ومعاه شوية مشروبات. بغض النظر إن العيش كان ناشف شوية وصعب المضغ، لكن التركيبة عمومًا والطعم المسكّر والمملح في نفس الوقت عملوا شغل ممتاز.

الحلو كان تارتار فراولة، وده عبارة عن تارت الفراولة المسكر مع نكهة الريحان وشربات فلفل أحمر مسكّر. شكل الطبق مرة ثانية ماكانش على مستوى باقي الأطباق، ويمكن فكرة الطبق أصلًا غريبة شوية، لكن بصراحة كان مبتكر وطعمه مميز.

مافيش حاجة معينة ممكن نعلق عليها في زيارتنا للو ديك. أجواء لطيفة جدًا وإطلالة خرافية على النيل ولمسات الشيف لوران بيجو قدروا يرجعوا بريق المكان. ويمكن المطاعم القائمة على فكرة الجمع بين مطابخ مختلفة بتكون حلوة على الورق، الشيف لوران وفريق عمل لو ديك عملوا لوحة فنية خلّابة.

 

نصيحة 360

بالنسبة للأطباق اللي فيها كحول، ممكن تطلبها من غيره.

أحسن حاجة

شوربة البازلاء وDengaku shrimpروعة الروعة.

أسوأ حاجة

1500 جنيه أكل لفردين! الموضوع مش سهل.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح