The Definitive Guide to Living in the Capital , Cairo , Egypt

ليتاس إيت – Lettuceat

ليتاس إيت: أحسن سلاطة ممكن تأكلها في حياتك في الزمالك

  • 15 أ شارع المنصور محمد
  • 19657
  • 10 صباحًا: 10 مساءً
تم التقييم بواسطة
Nagla Ashraf
قيم
قيم الآن
ليتاس إيت: أحسن سلاطة ممكن تأكلها في حياتك في الزمالك

في الفترة الأخيرة انتشرت جدًا مطاعم الأكل الصحي، وأكل الرجيم اللي بتكون مهتمة أكثر بعمل السلاطات والساندويتشات الصحية، فيه منهم اللي بيبدأ بقوة وبعد فترة للأسف مستواه بيقل، لكن ده ما حصلش مع زيارتنا في ليتاس إيت – Lettuceat.

كنا دائمًا في الشتاء بنلجئ لشوربة الجزر وقرع العسل من ليتاس إيت واللي عمرها ما خيبت أملنا لكن دفيتنا وشبعتنا في نفس الوقت، ده طبعًا غير الساندويتشات والسلاطات اللي مشهورين بها. فقررنا أننا نروح بنفسنا المكان اللي دائمًا بنطلب منه في مكتبنا. وأول ما دخلنا لاقينا أن فيه ترابيزة واحدة بس، كبيرة شبه ترابيزة السفرة العادية تكفي حوالي 6 أشخاص بس هيكونوا قاعدين مع بعض، وده طبيعي لأنهم معتمدين بشكل كبير على التوصيل. المنيو زي ما هو متنوع في أنواع السلاطات اللي كل مرة بنحتار قبل ما نطلب نوع معين منه، وطبعًا ممكن تكون السلاطة بتاعتك بنفسك.

المهم طلبنا شوربة جزر وقرع عسل (29 جنيه) وسلاطة smoked duck treat بـ 69 جنيه، و citrus salmon wrap بـ 39 جنيه، وأخر حاجة قلنا نحلي بها كانت cheese cake بـ 25 جنيه.

بعد حوالي نصف ساعة جاءت لنا السلاطة والشوربة، السلاطة كانت مبهجة ومتوازنة طعم البط المدخن مع الخس والبرتقال واللوز والسمسم مع صوص الدريسنج كانوا حكاية، لكن للأسف الشوربة كان قوامها خفيف وطعم الجزر أكثر من قرع العسل.

أما الساندويتش فكان مالوش زي، السالمون المدخن فريش ولذيذ مع الليمون والخس، تبقى عاوز تطلب تاني وثالث ورابع منه. والـcheese cake  كانت لطيفة برضه، بس طبعًا مش زي العادية والدسمة، بس حسينا فيها طعم البيض شوية.

طبعًا كان نفسنا نجرب أكبر قدر من السلاطات هناك، بس الميزانية لا تسمح، لأن عيب المكان ده الوحيد أنه غالي شوية، بس بيقدم لك مكونات بجودة عالية جدًا، ننصحكم تجربوا كل أصنافه.

نصيحة 360

تابعوا صفحتهم على الفيسبوك فيها كل جديد ليهم.

أحسن حاجة

citrus salmon wrap طبعًا برغم حجمه الصغير.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح