The Definitive Guide to Living in the Capital , Cairo , Egypt

مانشو واك – Manchow Wok

مانشو ووك: أكلة صيني لذيذة في سيتي سنتر المعادي

  • سيتي سنتر المعادي
  • مأكولات سريعة
  • 0229705558
  • 12 ظهراً - منتصف الليل
تم التقييم بواسطة
Katie Dryden
قيم
قيم الآن
مانشو ووك: أكلة صيني لذيذة في سيتي سنتر المعادي

كلنا عارفين المطبخ الصيني الغني بأكلاته الملوّنة ورائحتها الشهية، وممكن جدًا تخرجه من دائرة "الأكل الراقي"، "مانشو ووك – Manchow Wok" في سيتي سنتر المعادي على الطريق الدائري أكبر مثال على كلامنا.

رغم أن مافيش عنده مطعم خاص، بس مكانه وسط المساحة الكبيرة المليانة ترابيزات وكراسي مشتركة بين كل أكشاك الأكل الموجودة على بعد أمتار، ومنها تقدر تطلب الأكل اللي على مزاجك.

المنيو بـ تقدم تنوع كبير لدرجة كان صعب نختار أكلنا. مانشو ووك عنده كل الأكلات المعروفة، من سبرينج رولز وفراخ مقلية wontons لغاية فراخ سويت & ساور، وكمان بـ يقدم أكل للنباتيين والأطفال، وبكده يعتبر مكان مثالي لكل الأسرة.

في الآخر رسينا على كومبو 2 اللى بـ (29 جنيه) عبارة عن فراخ بصوص الفلفل الأسود مع اختيارك من الأرز أو النودلز، طلب من النودلز السبايسي (16 جنيه)، كمية من الأرز بالبخار (10 جنيه) وفراخ بصوص السويت & ساور (38 جنيه).

اختيار "كومبو 2" كان هائل من ناحية الطعم والكمية، والأحلى كمان كان قطع الفراخ المدخن الطرية ومعاها قطع الفلفل الأخضر، وكلهم عليهم صوص ثقيل هائل قدر يضيف نكهة قوية من الفلفل الأسود والشطشطة، كل الكلام ده كان معاه شوية أرز حلوين بالبسلة والجزر؛ فعلًا كانوا إضافات رائعة.

نحب نقول أن أحلى حاجة من وجهة نظرنا كانت السبايسي نودلز الطرية بقوامها السميك جدًا، الطبق كان فيه قطع خضروات زيادة مع الطعم اللذيذ المميز للصويا صوص. الكمية الإضافية من الأرز الأبيض صحيح طعمها تقليدي، بس كميتها ممتازة.

أخيرًا، الفراخ بصوص السويت & ساور كانت خليط رائع من اللون البرتقالي مائل للأحمر من الطعم المسكّر لقطع الأناناس مع مزازة الصوص والخضروات المشكّلة.

بالنسبة للحلو، طلبنا واحد من أشهر الأطباق في المنيوFried Banana in Honey  بـ (11 جنيه)، اللي صحيح كميته كانت قليلة، بس طعمه لذيذ وطري نتيجة غرقانه في العسل وكمان كان سخن من الداخل.

الأسعار هنا غالية شويتين، بس الأكل هائل بطعمه اللذيذ وكميته الكبيرة، وصحيح موضوع المطاعم في المولات بـ يعمل لنا حساسية، بس مع أكل مانشو ووك البسيط، الاختيارات المتنوعة والجودة العالية، الموضوع فعلاً يستاهل.

نصيحة 360

مانشو ووك بـ يوصّل؛ اتصل بـ 01000042326.

أحسن حاجة

أكل صيني تقليدي معمول صح الصح.

أسوأ حاجة

الأسعار غالية شوية خصوصًا لما تشوف الموضوع على أنه أكل في فوود كورت.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح