The Definitive Guide to Living in the Capital , Cairo , Egypt

مطاعم
ماي كوين – My Queen

ماي كوين: مطعم أكلات مصرية سريعة شغال 24 ساعة في المهندسين

  • 2ب عمارات الشرق للتأمين
  • مأكولات سريعة
  • 24 ساعة -
تم التقييم بواسطة
Haisam Awad
قيم
قيم الآن
ماي كوين: مطعم أكلات مصرية سريعة شغال 24 ساعة في المهندسين

وأنت ماشي متجه لشارع جامعة الدول العربية هـ تلاحظ أن الدنيا بـ تظلم أكثر
وأكثر كلما رحت أكثر ناحية شارع السودان وبـ تبعد عن الزمالك والكورنيش وكل
الأماكن اللطيفة اللي بـ نحبها لأنك ممكن تشم فيها نسيم الهواء، وأنت ماشي بـ
تختلف رؤيتك بعد ما كنت بـ تشوف محلات معروفة هـ تلاقي نفسك بـ تشوف محلات أصغر
حجمًا وأقل شعبية.

ولكن في الآخر هـ توصل لمطعم «ماي كوين – My Queen» بلونه الأخضر الليموني الواضح جدًا ومنور المكان
حواليه، المكان ده بـ يقدم أكلات مصرية سريعة ومقسم لمنطقتين كل واحدة ما تبعدش عن
الثانية كام متر، المنطقة الأكبر فيها ستاند كبير علشان تقف تأكل عنده مع الراجل
بتاع الشاورما، المكان الثاني أصغر وفيه كاونتر علشان طلبات التيك أواى، وفيه كمان
هناك بار سلاطات ممكن تغرف منه.   

المنيو حجمها كبير، بـ تطير العقل. الكفتة (21.50 جنيه) كانت ممتازة
ومخدومة كويس ومقطعة لقطع طرية مليانة بطعم غني، الخمس قطع كفتة كانت أكبر من توقعاتنا
خالص.

زي الكفتة كان الشيش طاووق (21.75 جنيه) في نفس التسوية والحلاوة، على
الرغم من أنه كان ناقصه صوص شوية، ولكن حطينا ملح وفلفل قليلين وده ضبط الموضوع،
ضيف على كده أن قطع اللحم المشوي بالفحم والبصل والفلفل الأخضر كانت حلوة.

طبق المأكولات البحرية (27.50 جنيه) عبارة عن مزيج من الأسماك والجمبري
والكاليماري مع أرز بسمتى بصوص مملح ومالوش طعم، على الرغم من أن الصوص كان لطيف
وخليط المأكولات البحرية وفر طعم رائع بشكل كبير وغطى على طعم الأرز الناشف.

الأكلة الوحيدة اللي خيبت أملنا هناك ساندويتش الستيك بالمشروم (17.75 جنيه)
كانت في عيش فينو كبير مليان شرائح مقطعة رفيعة لحم بقري مع شرائح كبيرة من
المشروم متغطيين بصوص المشروم، اللحم البقري كان مفتقر للطعم وكان كاوتشوكي شوية
وإحنا بـ نقضمه وكان طعمه أشبه باللحم البقري اللي بـ نشتريه من السوبر ماركت أكثر
ما منه طعم ستيك. كمان العيش ما كانش له طعم، وكان طعمه أبرد من المكونات اللي
داخله.

كل طبق بـ تطلبه بـ ينزل معاه اختيارك من الأرز الأبيض أو البسمتى وبطاطس محمرة
مرطبة، واللى كانت مالهاش أي طعم.

ما اضطريناش ننتظر كثير على الطلب بتاعنا، والجرسونات كانوا دقيقين وكانوا
بـ يردوا على أي استفسار مننا على أسماء الأطباق الغامضة، الناقد كاتب الموضوع كان
سعيد وهو بـ يدور في القائمة الكبيرة بتاعتهم على طبق مفضل، المكان مثالي لإشباع
الرغبة المستمرة والاشتياق الجنوني للأكلات السريعة المصرية.

نصيحة 360

ماي كوين شغالين 24 ساعة وعندهم خدمة توصيل.

أحسن حاجة

منيو ضخمة هـ تخلي لعابك يسيل عقبال ما تختار الطلب بتاعك.

أسوأ حاجة

الأرز كان كميته كبيرة.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح