The Definitive Guide to Living in the Capital , Cairo , Egypt

مطاعم
مشاويتش

مشاويتش.. تجربة إفطار رمضاني مميزة في عالم المشويات في الدقي

Mashawich أكل شرقي الدقي طاجن بامية طاجن لحمة طاجن محاشي طواجن فطار رمضان مشاويتش مشويات مطاعم ورق عنب
  • ١٢ شارع الفريق عبد المنعم رياض متفرع من ميدان الثورة - الدقي
  • 17:00 - 04:00
تم التقييم بواسطة
Mohamed Talaat
قيم
قيم الآن
مشاويتش.. تجربة إفطار رمضاني مميزة في عالم المشويات في الدقي

 

فيه أماكن في القاهرة بتحس فيها براحة نفسية شديدة، وده اللي بيخليك ترتاح لمكان معين، وتقول عليه “مكان روحه جميلة”، وإحنا في كايرو ٣٦٠ حسينا بده في مطعم Mashawich – مشاويتش، واستمتعنا بالقعدة المريحة، وأكله المميز.

زي ما أنتم عارفين في رمضان، بيبقى نفسنا نأكل كتير وفي نفس الوقت خايفين من التخمة، علشان أزمة السمنة في مصر سببها كرم الشهر الفضيل وأكلاته.

كنا محتارين نجرب المشويات علشان خفيفة، ولا الأكلات التانية علشان نقول تجربتنا كاملة، ولكن إحنا ضحينا بنفسنا، وعرضنا كروشنا للتخمة علشانكم، وأول ما وصلنا هناك لقينا بلح على الترابيزة كسرنا بيه صيامنا، ونزل بعدها عصير سوبيا بجوز الهند، وطعمه كان تحفة، خاصة أن طعم الاتنين في بعض كان عامل مزيج مميز هتدمنه.

 بدأنا بالسلطات، وكانت السلطة الخضراء جميلة ولكن ناقصها تاتش يميزها، أما الطحينة فمكنتش حلوة واحبطتنا، ودخلنا بعدها على شوربة لسان عصفور، والكمية الحقيقة كانت قليلة ولكن طعمها كان حلو.

دخلنا بقى على طاجن المحاشي، صحيح هي مرصوصة فيه مش متسوية بس طعمها يخلينا نقول مش مهم، وكان فيه ورق عنب وفلفل وباذنجان وكوسة، إحنا مسيبناش الطاجن ده الا وهو خلصان، خاصة أن الأرز بتاعه مظبوط وشوربته تجذبك، ورشة الليمون فيه كانت مميزة جدًا.

 جربنا كمان طاجن البامية باللحمة، ولكن ننصحكم بلاش منها، علشان ماحبيناش طعم اللحمة، وحسينا أنها مش بلدي، وكمان البامية مش هي اللي المفروض تتحط في الطاجن ده.

أما بقى الممبار الكور عندهم ده اختراع لازم تجربه، بس بلاش وهو سخن قوي، خليه يبرد شوية، وهتحس بطعم التتبيلة في الأرز اللي مسيطر عليها الخضرة الصحية الجميلة.

المكان كمان بيقدم وجبات سحور سواء أطباق أو سندوتشات، ومافيش عندهم خدمة ولا ضريبة.

ننصحكم تروحوا تجربوا خروجة جديدة بجو ومود مختلفين تمامًا عن أي مكان تاني، ومش مهم تاكلوا ممكن تضربوا عصير السوبيا الحلوة، أو تجربوا باقي المشروبات عندهم.

مشاويتش هتلاقوهم في ١٢ شارع الفريق عبد المنعم رياض متفرع من ميدان الثورة – الدقي

 ودي صفحتهم على الفيس بوك علشان لو عاوزين تفاصيل أكتر.

نصيحة 360

المكان كمان بيقدم وجبات سحور سواء أطباق أو سندوتشات

أحسن حاجة

الممبار الكور اختراع لازم تجربه في مشاويتش

أسوأ حاجة

طاجن البامية باللحمة مش أحسن حاجة

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح