The Definitive Guide to Living in the Capital , Cairo , Egypt

مشمشية

مشمشية: سحور كلاسيكي في فيرمونت هليوبوليس

مشمشية: سحور كلاسيكي في فيرمونت هليوبوليس

فيرمونت هليوبوليس السنة دي في رمضان مش جاي بخيل على خيمة «مشمشية» في
قاعة الياسمين، ديكورها حلو وهـ تلاقي قماش شيك قوي مغطي الشبابيك والسقف، بـ يعطي
إحساس أنه خيمة شرقية أصيلة، كمان المكان كله فيه وحدات إضاءة على نمط الموجودة في
خان الخليلي، متعلقة في السقف وبـ تنور درابزين السلم وده دليل على أن المطعم مكلف
ديكور المكان.

فيه كنب كبير
ناعم مُغطي باللونين الأسود والكريمي، محطوطين في نصف القاعة العلوي، وفيه سلالم
صغيرة بـ تنزلك لتحت للترابيزات والقعدات في نصف القاعة. ترابيزات وكنب خيمة «مشمشية»
الكبير بـ يأخذ أعداد كبيرة من الناس، يعني مش أقل من 4 أشخاص، لو رحت مع مجموعة
كبيرة هـ يكون أحسن. فيه مسرح في المنتصف للدي جى وللفرقة الشرقية وهم بـ يقدموا
الفقرة الترفيهية في الخيمة. لو أنت عاوز أكثر من مجرد موسيقي في القعدة هـ تلاقي
شاشات تليفزيون كبيرة موجودة في القاعة وكان فيه أربعة منهم محجوزين للبلاي ستيشن.

«مشمشية» بـ تقدم
3 منيوهات للسحور، الكبير منهم مش للناس ضعاف المعدة، لأنه عبارة عن ميكس جريل
وساندويتش شاورما لذيذ. أسعار الأطباق 140، 180، و210 جنيه، كل المنيو بـ ييجي معاه
مقبلات ساخنة وباردة. أطباق الحمص، المتبل والجبنة كانوا حلوين جدًا بس وقت ما كنا
هناك كان طعم اللبنة زي ما يكون بقى له فترة في الثلاجة ومش مُغطي. الكبة كانت
طعمها رائع وهي من أحسن الحاجات اللي أكلناها والسمبوسك كانت حلوة ومش ناقصها حاجة
غير أنها تكون مقرمشة شوية من بره.

رغم أن «مشمشية»
بـ يقدم أنواع فول مختلفة، إحنا اختارنا نوعين بشكل عشوائي وكان فيه واحد فيهم مش
حلو. أما البيض هـ تلاقي أنواع واضحة وإحنا بـ نقترح أنك تبعد عن أنواع المسلوق،
لأن بتاعنا كان مستوي بزيادة وكان تقريبًا صعب أنك تقشره.

الكباب كان مستوي
بزيادة، بس كل الحاجات في الميكس جريل عمومًا كانت لذيذة. الشاورما كانت حلوة بس
الواضح أن المطعم كسل أنه يزين الطبق لأنه جاب لنا ساندويتش الشاورمة في طبق فاضي!

«مشمشية» بـ تقدم
أطباق حلو من الحلويات الشرقية وأم علي. ممكن  تلعب في اللعب الموجودة في الغرفة وأنت بـ تشرب
الشاي أو الشيشة بالفانيليا ودي طريقة حلوة تنهي بها سحورك الفخم في خيمة شرقية.

نصيحة 360

الحجز مهم في الويك إند وخليك فاكر أن «مشمشية» بـ تقدم 3 منيوهات مختلفة للأفطار.

أحسن حاجة

الجو الهادئ والشيشة بالفانيليا

أسوأ حاجة

طعم اللبنة واللحمة المستوية بزيادة

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح