The Definitive Guide to Living in the Capital , Cairo , Egypt

مطاعم
Mashweyat Anas – مشويات أنس

مشويات أنس: مشويات وأكلات مصرية من اللي قلبك يحبها.. ولكن

ارز الشيخ زايد انس تغليف توصيل حواوشي فراخ كباب مشويات
  • الشيخ زايد - المقطم - المهندسين
تم التقييم بواسطة
Angie El Batrawy
قيم
قيم الآن
مشويات أنس: مشويات وأكلات مصرية من اللي قلبك يحبها.. ولكن

المطاعم اللي بتقدم مشويات وأكلات مصرية كتيرة في القاهرة، وبالتالي المنافسة شديدة جدًا ولازم تعمل حاجة مبتكرة علشان تلفت النظر لك وتتميز، وكتير أوي أماكن بتعمل الوصفات “زي ما قال الكتاب” وقليل اللي بيجدد، وكمان المطاعم السورية بقيت بتنافس بقوة، وبالتالي العبرة مش في أنك تنتشر ويبقى عندك فروع كتيرة لكن كمان أنك تضيف بصمة جديدة. مطعم مشويات أنس بشعاره “أصل المشويات” فتح فرع جديد في الشيخ زايد، الفرع مبهج وعبارة عن دورين فوق بعض وكبير بس حبينا نعرف: هل فيه جديد؟   

حاتى أنس موجود وراء مستشفى زايد التخصصي، وجنب التوحيد والنور، وأمامه الناحية التانية أتريم مول، المنيو زي أي مطعم حاتي فيه قسم المشويات بالكيلو: فراخ وطرب وسجق.. إلخ، وقسم “فراخ أنس” فيه فراخ مشوية وفرخة شيش وفرخة محمرة وحمام محشي ومشوي وفيليه صدور على الفحم وبانيه، وقسم الشوربة: شوربة حمام ولسان عصفور وكوارع وكريمة فراخ وخضار أو عدس، وقسم الوجبات وقسم الساندويتشات والأصناف الجانبية زي ورق العنب والمحشي والممبار والمكرونة السباجتي.

تجربتنا ما كانتش جوه المطعم، المرة دي طلبنا ديلفري علشان نشوف التغليف والسرعة في الخدمة.. وكمان الصراحة كنا مكسلين، التوصيل كان وقته معقول والحاجة جات لنا دافية والتقفيل كان كويس ما كانش فيه حاجة مبهدلة.

طلبنا ساندويتش كباب بتلو (50 جنيه) عبارة عن نص رغيف عيش بلدي فيه 3 قطع كباب بس، مافيش عليها أى إضافات، وكمان كانوا عاملين حاجة غريبة، نص الرغيف كان مقطوع فقرروا علشان يصلحوا الموضوع يحطوا النص رغيف جوه نص رغيف تاني! وبالتالي كمية العيش كانت كتيرة وشكلها قفلنا في الأول، كانوا غيروا العيش اللى اتقطع وخلاص، طعم اللحمة حلو ومستوية كويس بس كان ناقصها كمان إضافة تحسسنا أننا بناكل ساندويتش فيه حاجة مختلفة كمكونات، طلبنا كمان حواوشى مخصوص (30 جنيه) كان حلو جدًا وتتبيلته مضبوطة والعيش متحمص حلو والحشو مضبوط.

من الوجبات اختارنا وجبة نص فرخة معاها أرز أبيض (64 جنيه) وملوخية (20) هي المفروض وجبة على بعضها بس مش عارفين ليه فصلوا سعر الملوخية لوحدها، الملوخية الصراحة كانت هايلة، مضبوطة كطعم وقوام وكمية، الفراخ كانت ريحتها جميلة ومستوية كويس ومش مزفرة، والأرز كويس بس كميته كانت أقل من الملوخية جدًا، وبالتالي هتخلص الأرز بدري، أخدنا كمان طبق بطاطس (15 جنيه) وسلاطة طحينة (حجم صغير 8 جنيه) ونزل لنا كمان سلاطة خضراء، كميتهم قليلة برضه بس كانوا كويسين وفريش.

حاتي أنس شاطر فى المشويات والأكل المصري بس كان نفسنا نحس بتجربة مختلفة، خاصة أنه ناجح وعنده 3 فروع تانيين، ممكن الناس اللي مش بتحب التجديد تروح هناك وتتبسط، بس الناس اللي بتحب المغامرة في الأكل هتتبسط بس مش هتنبهر، التجربة كانت لطيفة ولما نروح نجرب الأكل فى المطعم نفسه هنبقى نكتب لكم عن تجربتنا.. يمكن نكتشف حاجة جديدة. ودي صفحتهم على فيسبوك.

نصيحة 360

مشويات أنس له 4 فروع: الشيخ زايد وأكتوبر والمقطم والمهندسين.

أحسن حاجة

الملوخية

أسوأ حاجة

الساندويتش المقطوع.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح