The Definitive Guide to Living in the Capital , Cairo , Egypt

مطاعم
spaces – اسبيسز

مطعم Spaces: تجربة سيئة لمكان بدأ مميز في المعادي

spaces اسبيسز اكل المعادي تجربة تشيكن وينجز سموزي سيء عصير مانجو مطعم نجرسكو نعناع
  • شارع 9، ثكنات المعادي، أمام توكيل مرسيدس
  • 09:00 - 02:00
تم التقييم بواسطة
Mohamed Talaat
قيم
قيم الآن
مطعم Spaces: تجربة سيئة لمكان بدأ مميز في المعادي

كالعادة في كايرو 360 بنشاركم كل تفاصيل تجاربنا . والمرة دي قررنا ننقل لكم خبرتنا مع مطعم Spaces، في ثكنات المعادي. اللي إحنا بنفسنا جربنا أكله في بداية افتتاحه وكان مميز جدًا.

أولًا المطعم بيقدم في الشتاء “بطانية” لو حسيت ببرودة الجو. صحيح خفيفة لكن بتخفف السقعة شوية. وكمان عندهم خدمة الشاحن المتنقل، وده عبارة عن باور بنك كبير فيه وصلة لهواتف أندرويد وIOS. علشان لو محتاج تشحن متتزنقش جنب الفيشة.

طلبنا (ميكس جريل) وسألنا عن محتواه، فكان قطعتين من كل نوع (كفته – فراخ – شيش طاووق)، بسعر 120 جنيه. لكن فوجئنا لما نزل إننا مش عارفين فين الكفتة من قطع اللحمة من الشيش. ماكنش فيه فراخ، وكان سيئ جدًا. واللحمة كانت مستوردة من أسوأ الأنواع. وطلبنا من الشيف تغييره لأنه مش حلو، وبعد نقاش أخده ورجع بيه بعد تظبيطه. دوقناه تاني وبرضه طلع مش حلو، فسيبناه زي ما هو.

كمان طلبنا مكرونة (نجرسكو) اللي بنحبها جدًا، بـ 55 جنيه. لكن للأسف كانت أسوأ من المكس جريل، مش مستوية والحشو “ماشروم – فراخ” قليلين، وكمان طعمهم متغير عن الطبيعي. أكلنا نصها بالعافية.

أما بقى (التشيكن ستريبس) كان حلو جدًا، ومستوي صح. بس مكنش حراق، رغم إننا طلبنا يكون حار. أكلنا واستمتعنا به كمقبلات. صحيح اتأخر بس كان يستحق الانتظار. بعدها شربنا (سموزي ليمون نعناع) بـ 30 جنيه، وكمان (سموزي مانجو) بـ 35 جنيه. بننصح الناس كلها تجرب عندهم المشروبات والشيشة كمان. غير كده يبقى بتخسروا فلوسكم.

في الآخر لما اشتكينا وطلبنا من الموظف يرفع الأكل علشان نفسنا اتسدت منه، كان كل همه أنه الأكل ميرجعش. لحد ما عرفناه إننا هنحاسب عليه. وفي الآخر طلب نيجي مرة تانية، علشان يعوض لنا سوء الأكل، لكن إحنا قررنا مش هنجرب الأكل عندهم تاني.

علشان تعرفوا تفاصيل أكتر عن المكان وعن منتجاتهم تقدروا تزوروا صفحتهم على فيسبوك.

نصيحة 360

بلاش تطلبوا أكل وكفاية تجربوا المشروبات والشيشة كمان.

أحسن حاجة

المشروبات

أسوأ حاجة

الأكل

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح