The Definitive Guide to Living in the Capital , Cairo , Egypt

منيو – Menu

منيو: خدمة ديليـﭭـري جديدة ورخيصة في كايرو

تم التقييم بواسطة
Haisam Awad
قيم
قيم الآن
منيو: خدمة ديليـﭭـري جديدة ورخيصة في كايرو

“المكان
اللي بـ تتقابل فيه الحلاوة مع الجبنة” ده شعار محل الساندويتشات الجديد اللي
اسمه «منيو». المحل بـ يوصل في المهندسين فقط، ومتخصص في الساندويتشات المصرية
والعالمية، وبـ يقدم مجموعة كبيرة من الابتكارات في المأكولات.

موجود على ناصية شارع نادي الصيد وبـ يفتح من 10 صباحًا
لـ 10 مساءً، ومنيو المحل موجود بالفعل على موقع www.otlob.com
وخدمة التوصيل بـ 2 جنيه فقط، ومافيش حد أدنى للطلبات.

وده كان مناسب جدًا لأسعار المحل القليلة؛ يعني أسعار
الساندويتشات بـ تبدأ من 3 جنيه لـ 25 جنيه، وفيه 3 أقسام رئيسية للطلبات ممكن
تختار بينهم: ساندويتشات، الكلوب ساندويتش المحمص، وساندويتشات آخر الشهر. أول
قسمين موجود فيهم الأحجام الكبيرة والمتوسطة.

ورغم اللون الأخضر الغريب للساندويتش، إنما عجبنا جدًا طعم
الفراخ بالنعناع، وصوص الكريم كان غلاف رائع للنعناع، بس حبات الذرة الحلوة كانت
قليلة، الحجم الصغير كان بـ 15 جنيه والكبير بـ 18 جنيه، وده يعتبر غالي شوية بالنسبة
لبساطة المكونات.

وبالمقارنة؛ ساندويتش سجق شرقي حجم وسط بـ 12 جنيه، بس
السجق ما كانش مستواه كويس وما كانش مفروم قوي زي ما اتعودنا عليه في أماكن كثير،
والعيش كان مليان على الآخر بقعة سجق كبيرة مش مُقطعة، ولو كان عليه فلفل أكثر كان
هـ يبقى أحلى كثير.

ساندويتش كوكتيل الجمبري وصلنا دافئ أكثر مما توقعنا،
ورغم رحلة التوصيل الطويلة، وصوص الكوكتيل كان غني من غير ما يطغى على طعم
الجمبري. الحجم الوسط ما كانش يستاهل 20 جنيه برضه لنفس سبب أن المكونات بسيطة،
وممكن تجيب نفس كوكتيل الجمبري كطبق مش ساندويتش من «منيو»، الحجم الوسط بـ 28
جنيه والكبير بـ 35 جنيه.

ومن قسم الساندويتشات المحمصة Toasted Club ساندويتش الجبنة البيضاء الخفيفة
كان مفاجأة حلوة لنا، بس جاء لنا متأثر بالرحلة الطويلة، الجبنة كانت كثيرة وطعمها
حلو مع مسطردة الـ Dijon،
وبـ 14 جنيه بس ممكن تعتبر ده وجبة خفيفة ومشبعة، واحنا بـ نرشح لك تجرب الحجم
الأكبر بـ 18 جنيه.

مجموعة ساندوتشات “آخر الشهر” طبعًا باينة من
اسمها أنها على قد الجيب، ولما ييجي آخر الشهر ونبتدي ندوَّر إيه أرخص أكل نجيبه.
حلاوة ومربى وجبنة فيتا ولانشون وكل الحاجات دي موجودة بأسعار مش بـ تزيد عن 6
جنيه للساندويتش، وبالمرة فيه تشيز كيك بـ 10 جنيه القطعة، وفيه زبدة فول سوداني
ونوتيلا بـ 10 و12 جنيه للساندويتش.

كل الساندويتشات بـ تيجي ملفوفة بعناية وفي شنط ورق شيك
جدًا مرسوم عليهم لوجو المحل، وكل ساندويتش بـ ييجي معاه كيس صغير فيه مخللات.

الأسعار إما قليلة قوي أو غالية شويتين، بس في الآخر نعتقد
أنها هـ ترضي كل الأذواق، و«منيو» أعطى اختيارات جديدة للأفطار في المكتب أو
التصبيرة في وسط اليوم.

نصيحة 360

«منيو» هـ يعمل أطباق خفيفة خاصة برمضان، وبعضها هـ يتعمل مخصوص وحسب طلب الزبائن.

أحسن حاجة

تشكيلة كبيرة ولذيذة من الساندويتشات.

أسوأ حاجة

العيش ما كانش فريش كفاية.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح