The Definitive Guide to Living in the Capital , Cairo , Egypt

موري سوشي & جريل – Mori Sushi & Grill

موري سوشي & جريل: طعم سوشي رائع في المهندسين

  • 30 شارع جزيرة العرب
  • سوشي,ياباني
  • 0233023871
  • 10 صباحاً - 1 صباحاً
تم التقييم بواسطة
Cairo 360
قيم
قيم الآن
موري سوشي & جريل: طعم سوشي رائع في المهندسين

مافيش نقص في عدد مطاعم السوشي
في القاهرة، المدينة بقت مليانة بهم وبقي موضة في آخر عشر سنين. «موري سوشي & جريل –& Grill  Mori Sushi» هو واحد
من أقدم مطاعم السوشي في القاهرة وأشهرهم وله فروع كثيرة في المدينة ومنافذ صغيرة في
سيدي عبد الرحمن، مارينا، والجونة. فرع المهندسين مختلف عن الفروع الثانية لأن فيه
قسم المشويات وإحنا زرنا الفرع ده.

هـ تلاقيه موجود في شارع جزيرة العرب فوق محل «فيسيس Faces»، المطعم تصميماته حديثة بس لها
طابع آسيوي. فيه مطبخ مفتوح في آخر المطعم ورف كتب مليان مجلات وكتب وجنبها ترابيزات
للقراءة.

قسم المشويات فيه أنواع كثيرة من الأكل الياباني زي أطباق
الترياكي وشوربة الشيتاك بالمشروم. الناقد جرب شوربة الكاري الساخنة بـ 39 جنيه وبـ
يجي معاها نودلز مطبوخة كويس، ومشروم، وفراخ وخضار مقرمش. طعمها كان حلو جدًا وحار
بس ما كانش حار قوي لدرجة أنك تشرب لتر مياه وعينيك تدمع. رغم أن الشوربة مكتوبة
في قائمة المقبلات بس هي تكفي وجبة كاملة. إحنا جربنا سلاطة أسبراجس
(نبات الهليون) الخضراء بـ 32 جنيه وكانت رائعة. كانت مغمورة جوة صوص بلسمي،
السبارجس كان هش ومقرمش وصوص الهليون كان على وش السلاطة بطريقة مظبوطة قوي.

للطبق الرئيسي طلبنا نيويورك ستريب ستيك بـ 125 جنيه
بصوص الثوم البلسمي وعسل، والطبق الجانبي كان سبانخ بالكريمة. الستيك كانت سِواها
متوسط زي ما طلبنا وكانت طرية أكنك بتقطع قطعة زبدة بالسكين. اللحمة نفسها ما كانتش
محتاجة صوص لأنها كانت مظبوطة في سِواها. بس صوص البلسميك كان مسكر مع طعم بسيط من
المرارة، وطبق السبانخ الجانبي كان فيه كريمة كثيرة.

السوشي كان بدون عيوب وطعمه حلو وفريش. احنا جربنا نيجري
أيبي بـ 9 جنيه، ولفافة التونة وعليها جمبري كانت حلوة بـ 18 جنيه والأفوكادو كاتيربيلار
رول بـ 39 جنيه.

للتحلية إحنا بـ نوصي بـ شوكولات
فوندو بـ 35 جنيه، الكيك سخن مليان صوص الشوكولاتة  الرائع رغم أنه غني قوي بس صعب أنك تأكله بعد وجبة
ثقيلة.

العاملين بمطعم «موري» ودودين جدًا وبـ يساعدوا الزبائنـ بـ
يلبسوا لبس ياباني مع طابع مودرن، حاول تقعد في مكان جنب الشباك علشان المنظر بره
بـ يسلي جدًا، هو الأكل هناك بثمنه بس بـ تأخذ مقابل قيمة الفلوس سوشي فريش، لحمة
لذيذة وسلاطة طعمها رائع.

نصيحة 360

المطعم ممكن ينفصل إلى قسمين بـ باب متحرك، فـ ممكن تعمل مناسبة خاصة هناك.

أحسن حاجة

المزج ما بين السوشي الرائع والستيك اللذيذ، ممكن تحتاج إيه غير كده؟

أسوأ حاجة

ما ينفعش تأخذ الطباخ معاك البيت.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح