The Definitive Guide to Living in the Capital , Cairo , Egypt

نايت & داي – Night & Day

نايت & داي: أفطار شبه كامل في سميراميس أنتركونتننتال

تم التقييم بواسطة
Lauren Lutz
قيم
قيم الآن
نايت & داي: أفطار شبه كامل في سميراميس أنتركونتننتال

من أول ما تدخل المكان وبـ تقعد لحد ما تقرر تمشي وأنت
شبعان ومبسوط من كثر الأكل، تجربتك في «داي & نايت» في فندق سميراميس أنتركونتننتال
هـ تبقى فريدة ومش هـ تنساها بسهولة. المطعم داخل لوبي الفندق في جاردن سيتي،
والخيمة الرمضانية اللي تم تحويلها لبوفيه كبير وقت الأفطار، تقدر تأخذ منه
المقبلات اللي أنت عاوزها وأنت بـ تتفرج على الشيف وهو بـ يعمل لك الشيش طاووق
الطازج مخصوص علشانك.

مع الاختيارات الكثير في البوفيه هـ تلاقي صعوبة في أنك
تقرر هـ تأكل إيه، مقبلات باردة كثير على بار طويل قريب من المدخل، وبعد ما جربنا
كل أطباق المشهيات دي تقريبًا مافيش حاجة ما عجبتناش. وبعيد عن الحمص العادي
واللبنة المملحة شوية عجبنا قوي بعض الاختراعات زي الباذنجان مع قطع الجبنة
الموتزاريلا. حاول ما تفوتش الفطير وأطباق الجبنة الموجودين على ترابيزة ثانية
قريبة من البوفيه، والشوربات خطيرة وهي ملوخية وكريمة دجاج وشوربة لبنانية بكرات
اللحم.

العيش بـ يُخبز أمام عينيك وبـ تأكله سخن ولذيذ، ولو أيدك
مشغولة ومش عارف تجيب حاجة ناقصاك من البوفيه، الجرسونات هـ يرحبوا جدًا بأنهم
يساعدوك ويجيبوا لك اللي أنت عايزه، خاصة عصائر رمضان اللي هـ تلاقي نفسك عايز
منها كل شوية، لكن في نفس الوقت نحب نحذر من التمر هندي علشان طعمه كان غريب؛ كأنه
عصير برتقال ومش حلو! قمر الدين كان ممتاز، وما كانش فيه فرصة نجرب العرقسوس بس
عجبنا شكل “بتاع العرقسوس” ولبسه التقليدي وهو بـ يمر يصب المشروب على
الترابيزات للي عاوز.

ورغم أن المطعم أعلن عن المطبخ الخاص به على أنه عالمي،
إلا أن معظم الأكل كان شرقي جدًا، وفي أحد الأركان فيه مكان لتحضير النودلز
والباستا، وبعض أنواع اللحوم غير الشيش طاووق والكباب. وعجبنا جدًا الـ (ستير
فراي) الصيني وهو خليط الذرة والسمسم والثوم بقطع البيف والخضروات المتبلة بمهارة.

الحلويات في «داي & نايت» خيالية بس كان صعب جدًا
نسيب مكان في معدتنا لأي حاجة بعد الأطباق الرئيسية، لكن على قد ما قدرنا جربنا
بعض حاجات زي الكاسترد بالفراولة والباترسكوتش Butterscotch والحلويات الشرقية والاثنين كانوا
أجمد من بعض.

صحيح أفطار شبه مافيهوش غلطة وكل حاجة حلوة، بس ثقيل
شوية على الجيب؛ الفرد في البوفيه المفتوح بـ 185 جنيه، والمشروبات الغازية خارج
المبلغ ده. جرب مطعم «نايت & داي» في سميراميس بس اتسحر سحور خفيف الليلة اللي
قبلها.

نصيحة 360

لازم تروح وأنت جعان قوي، وخذ كميات قليلة من المقبلات علشات تعرف تدوق باقي الأكلات، وإلا مش هـ تقدر تخلص طبقك وهـ تسيب نصفه مليان أكل.

أحسن حاجة

الستير فراي الصيني، زودنا طبقنا منه أكثر من مرة، والكاسترد الخرافي.

أسوأ حاجة

التمر هندي!

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح