The Definitive Guide to Living in the Capital , Cairo , Egypt

ياتسا

ياتسا: مطعم باستا جديد في مول العرب

تم التقييم بواسطة
Haisam Awad
قيم
قيم الآن
ياتسا: مطعم باستا جديد في مول العرب

مول
العرب في 6 أكتوبر بـ يكبر كل يوم والمساحات الفاضية بـ تتحول إلى محلات، ولاحظنا
مؤخرًا أن أكثرهم بـ يفتح مطاعم وكافيهات. أمام محل «بيسل & مورتار»  الرهيب فتح مطعم «ياتسا – Yatsa» اللي بـ يقدم باستا وبعض الأطباق العالمية. مساحة مفتوحة للجلوس
أمام المحل، الديكورات بالألوان الأسود والبنفسجي والوردي والكراسي مُفتكسة وعلى
شكل شوكة طعام. والترابيزات عليها لوح زجاجي وفيه زي ستاندات عليها أطباق باستا
للعرض فقط.

المنيو
فيه أطباق كثيرة ومتنوعة، بـ 30 جنيه كان طبق كومبو من المشهيات يكفي لفردين، فيه
أجنحة دجاج وصوابع موتزاريلا مقلية مالهاش طعم وكمية كبيرة من الكاليماري المقلي.
الطبق كان محبط لكن قلل من ضيقنا شوية طعم ورائحة صوص الباربيكيو المدخن.

«ياتسا»
عنده أكبر تشكيلة من الباستا، اختارنا في وجبتنا الرئيسية باستا بالسمك والجمبري
(70 جنيه). قطع سمك فيليه على تل من المكرونة السباجيتي بصوص الليمون والزبدة،
وعليهم تل ثاني من الجمبري. ورغم أن صوص المكرونة ما كانش طعمه ليمون ولا زبدة،
لكن كان لذيذ وكان باين فيه طعم الفلفل ونبات الكبر. السمك والجمبري كانوا مستويين
كويس لكن الصوص اللي عليهم كان كثير قوي، وعلشان كده كانت متعتنا الأكبر في
المكرونة أكثر من أي حاجة ثانية.

جربنا
كمان السكالوبيني (72 جنيه)، فيليه بيف معمول بنفس صوص الليمون والزبدة، وما حسيناش
أنه حلو أو لائق على البيف زي ما كان لائق على السمك والجمبري. صوص ثاني أقوى
ومكوناته حريفة أكثر كان ممكن يخلينا ما نأخذش بالنا من طعم اللحم اللي مستوي
زيادة عن اللزوم ولسه بـ يشد!

من
منيو الحلويات اختارنا التيراميسو (16 جنيه) واستغربنا قد إيه كان
“متكروت” وواضح أنه كان بايت مش فريش والعجين كان سميك جدًا ومالوش أي
طعم محدد، ختام سيء لتجربتنا مع المأكولات.

لحسن
الحسن طلبنا نوعين من كوكتيلات «ياتسا» المبتكرة علشان نغير طعم الأكل اللي ما
عجبناش. كوكتيل Pink
Lady بـ 22 جنيه فيه موز
وفراولة وليمون وجوز هند ولبن وكريمة مخفوقة، كان دسم لكن لذيذ. وثاني واحد هو
كوكتيل روك & رول وده كان صدمة بالنسبة لنا؛ فيه أناناس وجزر وكرفس وجرجير،
طعمه مر وإحساسه خشن والجرجير كان مالوش دعوة بالموضوع خالص!

لولا
شكل المحل وديكوراته الشيك، كنا هـ نفكر مرتين قبل ما نروح «ياتسا» ثاني، لكن لازم
نحط في اعتبارنا أن المحل لسه في مرحلة الافتتاح، ومستوى الأكل يعتبر معقول لكن
أقل طبعًا من جيرانه العمالقة «بيسل & مورتار» و«كاسبر & جامبيني».

نصيحة 360

المطبخ عنده استعداد لعمل الأطباق للزبائن زي ما هم عايزين بالضبط، اطلب ده من الجرسون واشرح طلبك وبهاراتك بدقة.

أحسن حاجة

عشاق الباستا هـ يستمتعوا بالتشكيلة والتنوع اللي هناك.

أسوأ حاجة

جودة الأكل لا تتناسب مع جماليات وشياكة المكان.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح