The Definitive Guide to Living in the Capital , Cairo , Egypt

لو بتدور على طعم الباستا الحقيقي بعيداً عن الأكل التقليدي، يبقى لازم تروح “الزمالك” وتدور على  O’S PASTA، المكان ده مش بس مطعم، ده “بدروم” بروح إيطالية وألوان مبهجة هتحسسك إنك بتتمشى في حواري روما القديمة، وسط كراسي خشبية وضحكة ستاف لطيف وخدوم جداً.

أجواء المكان: روقان إيطالي بلمسة مودرن

المكان صغير وعدد الترابيزات مش كتير، وده اللي مدي له خصوصية ودفء، أما الديكور والألوان هينقلوك لعالم تاني، وأجمل حاجة هناك إن المطبخ مفتوح  (Open Kitchen) قدام عينيك؛ يعني هتشوف الباستا وهي بتتعمل “هاند ميد” بكل تفاصيلها وخطواتها، وده بيدي ثقة واستمتاع بصري قبل ما تدوق الأكل.

نصيحة Cairo360: بسبب مساحته وشعبيته، المكان دايماً “Full”، فبننصحك تبعد عن الويك إند (Weekend) أو تستعد لدخول الـ Waiting List.

تجربة الطعم: الباستا كما يجب أن تكون

جربنا من عندهم صنفين، وكل واحد فيهم له حكاية:

باستا روزماري (Rosemary Pasta) – السعر 375 جنيه

التفاصيل: مكرونة “قلم “Penne – بصدور الفراخ الغرقانة في الزبدة والمشروم الفريش مع كريمة إكليل الجبل “الروزماري”.

التقييم: الطعم حكاية وبنرشحه جداً كاختيار أول.

تنبيه “الأكيل”: بينزل معاها جبنة بارميزان، بس خلي بالك متكترش منها عشان طعمها القوي ممكن يمرر الصوص المميز للروزماري.

باستا الجبن الستة (Six) السعر 424 جنيه

التفاصيل: مكرونة “اسباجيتي” مع ميكس رهيب من 6 أنواع جبن (بيكورينو – بروفولون – ايمنتال – موزاريلا – بارميزان – رومي) ومعاهم شرائح لحم بقري.

التقييم: طعم غني وممتاز جداً لمحبي الأجبان، لكن “الروزماري” لسه محتفظة بالمركز الأول في قلوبنا.

ليه O’S PASTA مميز

باستا يدوية: المكرونة بتتعمل Fresh قدامك في المطبخ المفتوح.

الموقع: في قلب حي الزمالك العريق.

الخدمة: طاقم عمل مبتسم ومضياف بيحسسك إنك في بيتك.

تقدروا تعرفوا أكتر من خلال صفحة O’S PASTA

وأخيرًا..

مطعم O’S PASTA في الزمالك بيقدم تجربة مختلفة لعشاق الأكل الإيطالي في القاهرة، خصوصًا لمحبي الباستا الهاند ميد اللي بتتعمل Fresh قدامك في مطبخ مفتوح. المكان بقى من أبرز مطاعم الزمالك اللي بتجمع بين الجودة العالية والأجواء الهادية، وبيعتبر اختيار مثالي لأي حد بيدور على أفضل باستا في القاهرة بعيدًا عن الأماكن التقليدية.