The Definitive Guide to Living in the Capital , Cairo , Egypt

رمضان مش بس فطار وعزومات، السحور كمان ليه سحر خاص، خصوصًا لما يكون بره البيت وفي أجواء تحسسك إنك عايش التفاصيل لحد أذان الفجر. علشان كده عملنا لك خريطة سحور رمضان 2026 متقسمة حسب المنطقة اللي أنت ساكن فيها، علشان تختار الأقرب ليك والأسهل في الحركة، ومن غير ما نقول “الأفضل”.. خلينا نقول الأجمل في أجوائه، والأدفى في روحه، والألذ في تجربته.

يلا نلف سوا على 20 مكان موزعين على كل مناطق القاهرة الكبرى.

المعز.. سحور بطعم القاهرة القديمة

لو عاوز تحس بروح القاهرة القديمة فعلًا، يبقى سحورك هيبقى أجمل في شارع المعز، ودي أجمل أماكن هناك:

زيارة

روف توب بإطلالة مباشرة على مباني شارع المعز التاريخية. قعدة هادية، فوانيس، ومشهد يخليك تحس إنك رجعت سنين لورا.

صاحب السعادة

أجواء شرقية واضحة، وأكلات سحور كلاسيك بطعم مصري صميم.

وسط البلد.. هنا القاهرة

للي بيحب النوستالجيا والمباني العتيقة والقعدة اللي فيها حكايات، دي أجمل أماكن في وسط القاهرة.

Oldish

روح قديمة بلمسة عصرية، مناسب لخروجة صحاب طويلة.

Babbo’s

مكان حيوي وسط الزحمة المحببة، من الأماكن اللي تحسسك إنك في قلب الحدث.

ما يفوتكش كمان: دليل خيم رمضان 2026.. أسعار الإفطار والسحور في أفضل أماكن الخروجات الرمضانية (محدث)

المعادي.. هدوء وسهرة بمزاج

المعادي دايمًا ليها طابعها الخاص، وسحورها مختلف.

Braavos

أجواء عصرية وقائمة واسعة تناسب خروجات الأصحاب.

Semsem

أكلات شرقية متنوعة وقعدة تناسب العيلة.

Restless

مكان شبابي، حركة وحيوية لحد قبل الفجر.

مصر الجديدة.. سحور بطابع مصري حديث

شوارع مصر الجديدة أصلًا مبهجة، وفي رمضان بتبقى أحلى.

عم شكشك

فول وطعمية وسحور شعبي بطعم حقيقي.

Dr. Mood

ديكور مميز وقعدة مناسبة للشباب والعائلات.

الزمالك.. سحور على النيل

الزمالك دايمًا لها سحر خاص.

أبو السيد

تجربة مصرية كلاسيكية بطابع تراثي واضح.

Lavندر

قعدة على النيل مباشرة، وأجواء رمضانية مبهجة.

التجمع والقاهرة الجديدة.. اختار على راحتك

المساحات هناك أوسع، والاختيارات أكتر.

صابحة

أجواء هادية في كمبوند الديار، مناسبة لقعدة عيلة طويلة.

طبلية فول

قريب من مسجد فاطمة الشربتلي، تخلص سحورك وتروح تصلي الفجر.

تغميسة

مكان مناسب لو عاوز سحور بسيط في قعدة مريحة.

الشيخ زايد… خيمة ولا مطعم؟

زايد بقت وجهة أساسية للسحور.

طبالي

من الأماكن اللي عليها طلب كبير، تنوع واضح في الأطباق.

زد بارك – خيمة ليالينا

لو نفسك في خيمة رمضانية بأجواء احتفالية.

أكتوبر.. سحور وإطلالة مختلفة

Seven

إطلالة مميزة على الأهرامات تخلي السهرة مختلفة.

الممشى السياحي جرين بارك

اختيارات متنوعة في مكان مفتوح مناسب للتجمعات.

وأخيرًا..

رمضان دايمًا بيجمعنا على قعدة حلوة، والسحور بره البيت بيبقى له طعم مختلف. اختار مكانك الأقرب ليك من خريطة سحور رمضان 2026 في القاهرة، واستمتع بليلة رمضانية تكمل معاك لحد الفجر. ولو عندك ترشيح تاني يستاهل التجربة، شاركنا بيه.