The Definitive Guide to Living in the Capital , Cairo , Egypt

وسط شوارع هادئة مليانة مزروعات خضراء منعشة، مطاعم راقية، كافيهات، تعتبر الزمالك من أكثر المناطق جذبًا فى مصر، ومكان لواحد من أشهر معالم القاهرة الأثرية- برج القاهرة.

إلى جنوب متحف الفن الحديث، استمر برج القاهرة فى كونه أطول مبنى فى مصر وشمال أفريقيا لحوالي 15 سنة، لغاية ما تجاوزه برج هيلبرو فى جنوب أفريقيا. بعدد أدواره الستة عشر، طول البرج المبهر يصل إلى 187 متر.

ناس كثير بـ يشوفوا أنه يعتبر واحد من أشهر معالم القاهرة بعد أهرامات الجيزة، وكثير من المشاهير – منهم الرؤساء، السياسيين ونجوم السينما منهم كاثرين هيبورن – انبهروا من المنظر المهيب للقاهرة من فوق البرج.

 
البرج تم تصميمه على يد المعمارى نعوم شبيب، وبناءه كان من الفترة بين 1954 و1961 باستخدام الجرانيت. مادة الجرانيت هى نفس المادة المستخدمة من قبل القدماء المصريين وتعتبر رمز فى حد ذاتها نتيجة لتكوينها الفريد وشكلها المميز.

شكل المبنى الشبيه بنبات اللوتس اللي بـ نشوفه ماكانش نتيجة الصدفة؛ الحقيقة أن اللوتس رمز مهم عند المصريين القدماء لأنه النبات المستخدم فى عمل ورق البردى.

معلومة تاريخية هامة أغلب الناس تجهلها وهي من كان مصدر تمويل برج القاهرة، والحقيقة أن الحكومة الأمريكية وقتها هى كانت الممول. أهدت أمريكا هدية شخصية بقيمة 6 مليون دولار للرئيس المصرى جمال عبد الناصر فى محاولة لكسب وده، لكن هو بدوره حول الفلوس للحكومة المصرية لبناء برج القاهرة.

 أول ما تدخل، بعد ما تدفع 20 جنيه رسم دخول للمصرين و70 جنيه للأجانب، هـ تشوف منظر من قمة البرج فعلًا ملهوش مثيل سواء نهارًا، أو ليلًا وقت ما بـ تكون القاهرة مضاءة وفى قمة إبهارها. الحقيقة، لو اخترت الوقت المناسب، تقدر تشوف منظر رومانسى رائع لغروب الشمس يعتبر تجربة ساحرة، وكمان غالباً بـ يكون أحلى وقت تقف فيه فوق العاصمة.

على قمة البرج موجود مطعمين، واحد منهم المطعم الدوار الشهير، وفيه ضيوف المطعم يقدروا يقعدوا بجانب النافذة ويستمتعوا بالأكل وسط منظر العاصمة، الفكرة هنا أن الأسعار غالية شوية بالنظر لأن أنت دفعت بالفعل رسوم دخول للبرج. كوكتيل جمبرى سعره غالى جدًا (90جنيه).

المطعم بـ يحتاج حوالى 70 دقيقة علشان يعمل دورة كاملة، والحركة بـ تكون تقريبًا غير ملحوظة. ممكن كمان تشوف الأهرامات لو الجو رائق.

مواعيد العمل من 8 صباحًا لغاية منتصف الليل فى الشتاء ومن 9 صباحاً لغاية 1صباحاً فى الصيف، وبكده يكون متاح طول اليوم ولوقت متأخر بالليل. مدخل البرج ممكن يكون زحمة شوية نظراً لوجود أسانسير واحد صغير حمولة 8 أفراد. أول ما تدخل هـ تقدر تطلع لأعلى البرج بسرعة.