The Definitive Guide to Living in the Capital , Cairo , Egypt

الصورة الرئيسية لـ أحمد حرز 

النهارده قررنا نخرج بره القاهرة، ونروح مكان جميل في مصر، وهو محافظة الإسكندرية، اللي فيها واحدة من أعظم وأهم الآثار المصرية، وهي قلعة قايتباي، اللي تم بنائها من حوالي 500 سنة، لحماية مصر والدفاع عنها.

والقلعة دي اتبنت مكان أول منارة في العالم، والمنارة دي كانت من عجائب الدنيا السبعة، وفي السطور الجاية هنقول لكم على 7 معلومات عن قلعة قايتباي، اللي ما زالت شامخة في غرب الإسكندرية.

1- اللي بنى القلعة كان السلطان الأشرف أبو النصر قايتباي المحمودي، الملك الجراكسي، والقلعة اتبنت على مساحة 17550 متر.

2- بناء قلعة قايتباي كان سببه محاولة حماية مدينة الإسكندرية من بطش الدولة العثمانية.

3- القلعة كانت شامخة في صد هجمات الحملة الفرنسية على مصر.

4- القلعة محاطة بالبحر المتوسط من 3 اتجاهات ولها مدخل رئيسي من الجنوب الغربي على برجين.

5- تم تجديد القلعة وتطويرها وتزويدها بالأسلحة في عصر محمد علي.

6- القلعة معروف عنها أسوارها العالية وأبوابها القوية، ده غير الأبراج المتنوعة في الشكل اللي بتحيط بيها.

7- قلعة قايتباي فيها غرف دفاعية وفتحات رمي سهام، وأماكن تخزين سلاح وسكن للجنود ومسجد وصهاريج مياه.