The Definitive Guide to Living in the Capital , Cairo , Egypt

6 مجموعات سفر محلية هـ تخليك تقع في غرام مصر

6 مجموعات سفر محلية هـ تخليك تقع في غرام مصر
written by
Hend Salah

بعيدًا عن الخلاف المستمر حول حملة #ThisIsEgypt، مصر مليانة بالأماكن التاريخية والطبيعية الخلابة، ده غير أماكن ساحرة مستخبية زي الكنوز البحرية في الشرق وتحديدًا البحر الأحمر –زي مرسى علم ودهب وسيناء وغيرهم– لغاية الهدوء والسكينة في الغرب وتحديدًا واحة سيوة.

إحنا في مصر عندنا مشكلة وهي أن مافيش اهتمام وتسليط ضوء على المناطق الرائعة اللي مش واخدة حقها في مصر، لو عندك استعداد تشوف مصر بنظرة مختلفة، فيه مبادرات وشركات سياحية ممكن تساعدك تبدأ مغامراتك وسط الكنوز المصرية.

 

أستروتريبس – Astrotrips

أستروتريبس تم تأسيسها في 2014، وهي أول شركة مصرية متخصصة في الفلك والرحلات الاستكشافية، أسسها فريق من عشاق السفر المهتمين بعلم الفلك واستكشاف مناطق رائعة في مصر، وأستروتريبس بـ تجمع بين الشغف بالعلوم الكونية والسفر لمناطق بعيدة في مصر.

 

أماكن

مجموعة سفر ثانية ناشئة بـ توعد الناس أنهم يقضوا أجازة ممتعة مع شوية ثقافة ومعلومات عن الطبيعة في مصر، أماكن سافرت مع عملائها لمناطق كثيرة في البحر الأحمر منها مرسى علم ونويبع ودهب وغيرهم.

 

ديزرت أدفينشرز إيجيبت –Desert Adventures Egypt

ديزرت أدفينشرز هي مجموعة سفر متخصصة في رحلات الصحراء من شرقها لغربها، وبـ تنظم رحلات تخييم وسفاري للناس اللي عاوزة تستكشف الصحراء المصرية بأمان وراحة وسط أجواء ممتعة، الشركة بـ تنظم رحلات تخييم في غرود صمويل في الصحراء الغربية، ورحلات سفاري في سيناء، وعشاء بدوي في محمية وادي دجلة بالقاهرة وغيرها من الرحلات الرائعة.

 

وايلد جوانا بانا – Wild Guanabana

شركة أسسها الرحالة المصري وعاشق السفر الأشهر عمر سمرة أول عربي يوصل لقمة جبل إيفرست، وتعتبر وايلد جوانا بانا واحدة من أهم مشروعات السفر لو عاوز رحلة ما تتنسيش في مصر وحول العالم، رحلات وايلد جوانا بانا من تسلق جبل كليمنجارو لتجربة الحياة البرية في مراكش للاستمتاع بالراحة والاسترخاء مع جلسات اليوجا في نيبال، أو الفرجة على المناظر الطبيعية في كمبوديا وتايلاند أو ركوب الدراجات على الجبال في طريق الزعفرانة أكيد هـ ترضي كل عشاق المغامرة على اختلاف أذواقهم.

 

كايتس –  Kites

من رحلات التخييم في وادي الريان المعروف بمناظره الطبيعية الساحرة، للاسترخاء في نويبع، لرحلات السفاري المثيرة في الصحراء، كايتس هي مبادرة محلية أخرى بـ تحقق كل أحلام المسافرين.

 

توريزما – Tourisma

مبادرة ثانية للسفر تقدر تروح معاهم لو كنت من عشاق الطبيعة والمغامرة، توريزما بـ توعد عملائها برحلات سفاري مميزة لاستكشاف المناطق الصحراوية في مصر والتوغل في كهوفها الغامضة والاستمتاع بالمناظر الطبيعية الساحرة، توريزما كمان بـ تنظم في كل رحلة ألعاب مسلية وأنشطة مختلفة للترفيه عن عملائها طوال الوقت.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح