The Definitive Guide to Living in the Capital , Cairo , Egypt

أفلام
Horrible Bosses – أسوأ مديرين

أسوأ مديرين – Horrible Bosses: دليلك لقتل مديرك

  • جيسون سوديكيسجينيفر انيستون...
  • كوميدي
  • سيث جوردونسيث جوردون
  • في1 Cinema
تم التقييم بواسطة
Mohamad Adel
قيم
قيم الآن
أسوأ مديرين – Horrible Bosses: دليلك لقتل مديرك

الفيلم ممتع لأقصى درجة، كمان بـ
يشبع رغباتنا في الانتقام من رؤساء العمل الأشرار!

“نيك” موظف في شركة،
عنده طموح أنه يبقى نائب المدير “هاريكان”، وده ما نقدرش نوصفه غير أنه
شرير لأقصى درجة، بـ يهلك “نيك” في الشغل، وفي الآخر يعين “هاريكان”
نفسه نائب لنفسه! أما “ديل” فهو مساعد لطبيبة أسنان “د.
جوليا”، وهي بـ تتقرب منه وهو بـ يصدها!، وفي الآخر تهدده أنه لو مش هـ
يستجيب لرغباتها هـ تنشر صوره معاها للناس وخاصة خطيبته! أما الثالث
“كيرت” فهو الوحيد اللي بـ يحب شغله كمدير حسابات في مصنع، وده بسبب رئيسه
العجوز في العمل، لكن الرئيس ده بـ يموت فجأة في حادث، علشان يبقى ابن المدير
“بوبي” هو مدير المصنع، وطبعًا خبرته في الشغل غير كافية.

الخنقة توصل “نيك”
و”ديل” وصاحبهم الثالث “كيرت” لدرجة أنهم يفكروا يقتلوا
رؤسائهم في العمل “هاريكان” و”د. جوليا” و”بوبي”،
فـ يفكروا في الاستعانة بقاتل محترف “دين جونز” أو (اللعين جونز) زي ما
هو مسمي نفسه! لكنه بـ ينصب عليهم في مبلغ 5 آلاف دولار، ويبقى مستشار لهم بس في
عمليات القتل، ويكون أمام “نيك” و”ديل” و”كيرت” أنهم
يقتلوا رؤسائهم في العمل، بس كل واحد هـ يقتل رئيس الثاني علشان يبعدوا عنهم
الشبهات، بس يا ترى هـ ينجحوا؟

الفيلم كوميدي لأقصى درجة واشتراك
نجوم كبار زي جنيفر أنيستون وكيفن سبايسي وجيمي فوكس وكولين فاريل أعطى مذاق
للفيلم مع أنهم مش أبطال، لكن بـ يلعبوا أدوارهم بطريقة كوميدية، كمان فيه تغييرات
في الشكل أو في الأداء خاصة في جنيفر أنيستون وكولين فاريل وكأننا بـ نشوفهم بشكل
جديد جدًا بدليل أن جنيفر أنيستون قررت صباغة شعرها علشان تبقى لائقة على الدور
أكثر.

السيناريو المتميز بجانب أداء
الأبطال يعتبر من أقوى نقاط الفيلم لأن الحقيقة المخرج سيث جوردون اعتمد على أداء
الممثلين والسيناريو المدهش في عمل فيلم ممتع لأقصى درجة فأهمل أي عنصر ثاني، يعني
الموسيقى التصويرية ما كانتش موجودة في الفيلم خالص، كمان عنصر التصوير كان بـ
يظهر كأنه بـ ينقلنا لمكان مش أكثر، يعني نشوف لقطة واسعة للمدينة، وبعدها للأبطال
الثلاثة، وهكذا!

يمكن المونتاج هنا كان له دور
شوية، خاصة في تتابعات مشهد مطاردة “هاريكان” للأبطال “نيك”
و”ديل” و”كيرت” بعربيته، كمان خلق حيوية في المونولوجات
السريعة بين الشخصيات وكأننا في مباراة بينج بونج سريعة، فـ نلاقي كل إفيه يترد
عليه بإفيه من خلال اللغة وكمان الصورة.

ابتكر المخرج سيث جوردون بمساعدة
كاتب السيناريو لشخصية جديدة علينا كمشاهدين زي شخصية “جريجوري/
أتمانون” العامل الموجه أو الإرشادي لقائدي السيارات علشان يوجههم بالصوت
لأماكن عاوزين يروحوها زي الـ GPS بالضبط لكن بشكل بشري، فـ ده يعتبر إضافة
وتجديد في تقديم شخصيات جديدة في فيلم كوميدي لطيف جدًا.

الملفت كمان أن أحداث الفيلم حتى
لو بـ تتكلم عن مجتمع مختلف، لكن طريقة تعامل معظم الرؤساء مع الموظفين مش مختلفة
كثير سواء في مصر أو أمريكا.

عجبك ؟ جرب

«Get Him To The Greek»، ««The Italian Job

نصيحة 360

يمكن مش كثير أخذوا بالهم من اشتراك الممثل المعروف إيوان جرافد والمعروف بـ شخصية "د. ريد" في سلسلة أفلام «Fantastic Four» في الفيلم، وهو قام بشخصية رجل وظيفته غريبة شوية هـ تعرفها من خلال مشاهدتك!

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح