في كل عيد لازم يظهر لنا فيلم بيقدم شوية نكت جنسية ومواقف كوميدية معتمدة على الضرب بالقلم والمواقف الكوميدية المبتذلة ويسمي كل ده في النهاية فيلم! أمان يا صاحبي هو الفيلم ده!
القصة
الفيلم بيحكي عن رجلين بيتزوجوا بنتين من عائلات غنية علشان يصرفوا عليهم، لكن مجموعة من المواقف اللي المفروض أنها كوميدية بتحصل لهم أثناء الزواج اللي بيكتشفوا بعد كده أنها خدعة كبيرة.
فريق العمل
الفيلم من بطولة سعد الصغير ومحمود الليثي والمطربة بوسي وعلاء مرسي وبدرية طلبة وشيماء سيف وصوفينار. أما إخراج الفيلم فكان من نصيب هاني حمدي وتأليف سيد السبكي.
الأداء التمثيلي
طبعًا من الغريب أننا نتكلم عن أي أداء تمثيلي حقيقي من أبطال معظمهم قادمين من عالم الغناء. الأداء التمثيلي كان شبه مش موجود على الرغم من أحداث الفيلم نفسها مش محتاجة أداء تمثيلي كبير لكن في النهاية كل المطلوب من الفيلم هو مجموعة من الاستعراضات والإيفيهات وخلاص على كده!
السيناريو والحوار والإخراج
سيناريو الفيلم كان عبارة عن مجموعة من المشاهد الغير مترابطة مع بعضها البعض، وكانت مهمة السيناريو إنه يخلط خيط واهي وضعيف من الأحداث علشان يبرر الأغاني والاستعراضات والنكت في الفيلم!
أما الحوار فوقع عليه العبء بالكامل علشان يخلق حالة الكوميديا في الفيلم وطبعًا فشل الحوار في أي شيء كوميدي غير النكت والإيفيهات المعتمدة على ضرب الليثي بالقلم زي ما بيحصل في معظم أفلام السبكي!
الديكورات والموسيقى والأزياء
طبعًا من العبث إننا نتكلم عن الديكورات أو الأزياء في فيلم زي أمان ياصاحبي، لكن لازم نعترف أن الفيلم بيقدم مجموعة من الأغاني والاستعراضات اللي بتعجب شريحة معينة من الجمهور، وممكن نعتبر دي الحسنة الوحيدة للفيلم.
الخلاصة
لو بتحب سعد الصغير والليثي وصوفينار وبوسي، وعاوز تتفرج على شوية استعراضات وأغاني تناسب حالة العيد.. فيلم أمان يا صاحبي هيعجبك.
علشان تبقى عارف:
محمود الليثي بطل الفيلم من مواليد يونيو 1979 بالإسكندرية.
أكتب تقييم
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
