للأسف الشديد الأفلام اللي بتحاول من خلال قصتها تناقش كل قضايا الدولة والعالم، وتقدم حلول سحرية ورؤية نمطية للأحداث حواليها، بتفشل في النهاية في معالجة أي قضية. وياريتها في البداية كانت ركزت على حاجه واحده بس.
“عمر خريستو” بيحكي عن قبطان بيتم الضغط عليه باختطاف بنته، علشان يشارك في عملية إرهابية. لكن في نفس الوقت بتحاول الأجهزة الأمنية تحبط المخطط ده، وتتصدي للي بينفذوه.
الفيلم من بطولة أحمد السلكاوي. اللي لعب دور “مراد” في مسلسل “ونوس”. وبيشاركه في البطولة الفنانة اللبنانية دومينيك. وبشكل عام فريق العمل مش مُبشر على الإطلاق بتقديم أي أداء تمثيلي جيد.
من ناحية تانية كان التصوير في مناطق بحرية مفتوحة، اختيار جيد جدًا. لكن للأسف مكان التصوير لوحده، مستحيل يقدم فيلم كويس. أما المشكلة الأكبر للفيلم كانت القصة، اللي بتحاول تحل كل قضايا المنطقة العربية في ساعة ونصف.
الفيلم للأسف محبِط جدًا، ومايستاهلش تضيعوا فيه الساعة ونص، إلا لو مضطرين.
أكتب تقييم
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
