The Definitive Guide to Living in the Capital , Cairo , Egypt

في أجواء من الأكشن المختلط مع الخيال العلمي، بيتألق جاكي شان من جديد علشان يثبت لنا إن الممثل الجيد مش بيمنعه السن من الإبداع، ويقدر يبهرنا سواء بالأداء التمثيلي أو الجسدي في الأفلام اللي بيقدمها. تعالوا نعرف أكتر عن Bleeding Steel.

القصة

فيلم Bleeding Steel بيحكي عن عميل من عملاء القوات الخاصة اللي بيتم تكليفه بضرورة الحفاظ على حياة فتاة شابة من عصابة إجرامية بتسعى لقتلها ولا تعرف الرحمة، لكن في خضم محاولته القيام بعمله بيبدأ بطلنا يشعر بمشاعر ورابطة خاصة تربطه بالبنت. ياترى إيه سببها؟!

فريق العمل

الفيلم من تأليف وإخراج  ليجيا زانج، ومن بطولة جاكي شان وكايتلين بوييه وتِس هوبريتش وكالان مولفي وشو لو وديفيد توروك.

الأداء التمثيلي

جاكي شان كان سارق للأضواء كعادته، وقدر يقدم أداء تمثيلي مميز سواء من الناحية الدرامية الانفعالية أو من خلال مشاهد الأكشن واللي بيصر على أداء جانب كبير منها بنفسه وده أمر يحسب له طبعًا، أما باقي الأبطال فكان أداؤهم من متوسط إلى ضعيف وحسينا أن كل الاعتماد في الأداء التمثيلي كان على جاكي شان فقط.

السيناريو والحوار والإخراج

سيناريو الفيلم هيحتاج من المشاهدين بعض التركيز، خاصة لما بتحصل تغييرات واكتشاف لحقائق، علشان يشعر المشاهد بالمتعة كاملة، علشان كده بننصح بمشاهدة الفيلم مع بعض التركيز خاصة في الأجزاء الأخيرة من الأحداث.

إخراج الفيلم كان جيد وكان قادر يوازن ما بين مشاهد الأكشن وبين قصة الفيلم، لكن حسينا ببعض الأنحياز لمشاهد الحركة والأكشن خاصة مع اقتراب الفيلم من أحداث النهاية.

الديكورات والموسيقى والأزياء

ديكورات الفيلم كانت مميزة وقدرت تنقلنا للفترة الزمنية اللي بتدور فيها الأحداث، وكانت مناسبة مع الخدع السينمائية اللي تم تنفيذها ببراعة علشان تخطف عين المشاهد، أما الأزياء والموسيقى التصويرية فحسينا أن مستواهم كان متراجع مقارنة بباقي العناصر الفنية للفيلم.

الخلاصة

فيلم Bleeding Steel بيقدم أكشن صيني متميز وقوي وننصح بمشاهدته.

علشان تبقى عارف:

تقييم الفيلم على موقع IMDB 5.5 من 10.