The Definitive Guide to Living in the Capital , Cairo , Egypt

أفلام
Bombshell

فيلم Bombshell: لعب على تقيل علشان الأوسكار

Bombshell Election Me too The morning show تشارليز ثيرون مارجو روبي نيكول كيدمان
  • تشارليز ثيرونمارجوت روبي...
  • دراما
  • جاي روتش
تم التقييم بواسطة
Mohamed Hamdy
قيم
قيم الآن
فيلم Bombshell: لعب على تقيل علشان الأوسكار

زي ما قولنا قبل كده، من دلوقتي ولحد الإعلان عن نتائج جوائز الأوسكار، هنشوف أفلام كتيرة مقتبسة عن قصص حقيقية علشان تحاول تلفت انتباه القائمين على المسابقة، لكن مع Bombshell مش بنشوف فيلم مقتبس عن قصة حقيقية بس، ده احنا كمان بنشوف فيلم نسائي من الطراز الأول.

فيلم Bombshell بيحكي عن قصة حقيقية عن كيفية إدارة الأمور في شبكة “فوكس نيوز” الأمريكية، وعن حالات التحرش الجنسي اللي حصلت هناك، وتحولت من مشكلة داخلية لفضيحة ضخمة كانت من أهم مقومات حملة Me too الشهيرة اللي انتشرت ضد التحرش الجنسي في أماكن العمل في أمريكا وبعد كده في العالم.

فيلم Bombshell مش العمل الوحيد اللي بيحكي عن حملة Me too، وشوفنا مؤخرًا مسلسل The morning show اللي كان من إنتاج “أبل – Apple” واللي بيناقش نفس الحملة لكن من خلال قصة خيالية في الجزء الأكبر منها على الأقل.

أحلى حاجه لفتت انتباهنا في Bombshell هي الأداء التمثيلي الأكثر من رائع من كل بطلات الفيلم بلا استثناء، وخاصةً الجميلة والمميزة “تشارليز ثيرون” وطبعًا لا يمكن نتجاهل دور “نيكول كيدمان” و”مارجو روبي” اللي في الحقيقة قدموا أدوار أكثر من رائعة، ده غير إن المكياج كمان نقدر نعتبره بطل من ضمن أبطال الفيلم، ولعب دور أكثر من رائع في مساعدة الممثلات في لعب أدوارهم بالشكل اللي شوفناه على الشاشة.

لكن طبعًا من ناحية  تانيه، مش قادرين (نبلع) النغمة النسائية المبالغ فيها أحيانًا في سرد الأحداث، وده مفهوم من فيلم المفترض إنه بيناقش مشكلة نسائية في المقام الأول.

الجميل كمان في سرد الفيلم هو انتقاله من نقطة للتانية بسرعة وسلاسة بحيث مانحسش بملل، وطول الوقت كان الفيلم بيصدر لنا الإحساس بالدهشة من إن كل التجاوزات دي بتحصل في مؤسسة أمريكية، واللي المفروض إنها شغالة بقوانين وقواعد صارمة.

عجبك ؟ جرب

Election

نصيحة 360

بشكل عام، فيلم Bombshell هيعجب الناس المهتمة بالقضايا النسائية، والناس المهتمة بحملة "MeToo#" وطبعًا الناس اللي عاوزه تتفرج على أداء تمثيلي جميل ومبهر، وأحداث مشوقة من البداية للنهاية.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح