-
أنتوني جونزاليزبينجامين برات...
-
ثلاثي الأبعاد
-
لي أنكيرك
-
في1 Cinema
Mohamed Hamdy
أصبح لوجو شركة بيكسار العالمية المتخصصة في إنتاج أفلام الأنيميشن زي ختم الجودة اللي لما بنشوفه على فيلم بنعرف أننا هنتفرج على فيلم مختلف على مستوى الصورة أو حتى القصة والأداء. تعالوا نتعرف أكتر على فيلم Coco.
القصة
الفيلم بيحكي عن طفل صغير مهووس بالموسيقى وبيحلم يكون عازف مشهور. وفي يوم من الأيام بيقرر يزور ضريح الموسيقار المفضل له والمدفون في المكسيك، وهناك بيزور الضريح في يوم الموتى في المكسيك وهو احتفال مشهور زي عيد قومي مكسيكي. وهناك بيقابل بطلنا أقاربه الموتى وبيدخل في سلسلة من المغامرات اللي بيعيد فيها اكتشاف نفسه ومعرفة حقيقة قدراته.
فريق العمل
الفيلم من إخراج وتأليف أدريان مولينا ولي أونكريتش وبطولة الأداء الصوتي لـ جايل جارسيا برنال وبنجامين برات ورينيه فيكتور وأنطوني جونزاليز وإدوارد جيمس أولموس.
الأداء الصوتي
يمكن الأداء الصوتي في الفيلم كان واحد من أفضل العوامل اللي تساعد على نجاحه، وده لأن كل شخصية من الشخصيات كانت عارفة بالظبط المطلوب منها، وقدرت تعبر عن مشاعرها باستخدام صوتها بشكل متميز ونقل لنا روح الفنانين وروح الشخصيات الكرتونية اللي بيقوموا بيها.
السيناريو والحوار والإخراج
سيناريو الفيلم كان بطىء شوية في النصف الأول من الأحداث وده من العيوب اللي بناخدها على الفيلم، لكن بعد كده بياخدنا في جولة مبهرة ومتميزة سواء على مستوى الصورة اللي كان واضح فيها المجهود الإخراجي والاهتمام بكل تفصيلة من التفاصيل زي ما عودتنا بيكسار أنيميشن دايمًا.
الرسومات والموسيقى والتحريك
رسومات الفيلم زي ما قولنا تتميز بدقة شديدة وتركيز على أبسط التفاصيل، كمان من الواضح التميز على مستوى الخدع وأسلوب تحريك الشخصيات على الشاشة إن كان في اهتمام من بيكسار أنها تنقل تفاصيل حياتنا الواقعية للشاشة، بالأضافة لكتير من التحسينات اللي اتعودت بيكسار إنها تبهرنا بيها في كل أفلامها تقريبًا.
الموسيقى التصويرية للفيلم كانت جيدة لكن في رأينا كان ينفع تكون أقوى من كده.
الخلاصة
فيلم Coco واحد من أحلى أفلام الأنيميشن اللي شوفناها مؤخرًا واللي تناسب مشاهدته الكبار أو الصغار على حد سواء.
علشان تبقى عارف:
تقييم الفيلم 9 من 10 على موقع IMDB.