The Definitive Guide to Living in the Capital , Cairo , Egypt

من الصعب إننا نقنع الأطفال اللي بتشاهد فيلم أنيميشن بالتعاطف مع الشرير في الفيلم، لكن شخصية (جرو) أجبرتنا على حبه والتعاطف معاه كمان في أحدث أجزاء Despicable me.

القصة

الفيلم بيحكي عن (جرو) اللي بيقرر يواجه عدوه بلتازار برات، المهووس بفترة الثمانينيات والتسعينيات الفنية وتيماتها الغنائية والتمثيلية، وفي وسط المواجهة بتظهر أحداث وشخصيات جديدة مش عاوزين نحرقها عليكم علشان تقدروا تستمتعوا بمشاهدة الفيلم.

فريق العمل

الفيلم من إخراج كايل بيلادا ومن تأليف سينكو بول والبطولة لـ ستيف كاريل وكريستين ويج وجيني سليت مع راسل براند وآندي نيمان.

الأداء التمثيلي

الأداء الصوتي لكل أبطال الفيلم كان مميز جدًا ورائع إلى أبعد الحدود. وقدرت كل شخصية تقنعنا من خلال الأداء الصوتي بقدرتها على القيام بشخصيتها في الفيلم بشكل رائع ومميز، وطبعًا نخص بالذكر هنا ستيف كاريل في دور جرو وكريستين ويج في دور لوسي وايلد.

السيناريو والحوار والإخراج

سيناريو الفيلم كان أبعد ما يكون عن الملل بداية من اللحظة الأولى وحتى نهاية الأحداث، كمان الحوار كان قادر يكون كوميدي إلى أبعد حد بعيدًا تمامًا عن الابتذال، وطبعًا نجاح كل الأمور دي بيعود في النهاية للإخراج المتميز واللي قدر يقدم لنا توليفة كوميدية مغامراتية رائعة.

التحريك والموسيقى والمؤثرات

على الرغم من قلة مشاهد الحركة الضخمة والإبهار في الفيلم بس قدر صناعة يقدموا لنا صورة حيوية جدًا من حيث الحركة والموسيقى الرائعة واللي كانت منتمية أكتر لفترة الثمانينيات والتسعينيات بحكم القصة.

لكن في المجمل الفيلم كان متميز على صعيد التحريك والموسيقى والمؤثرات.

الخلاصة

فيلم Despicable me في الجزء الثالث منه قدر يحافظ على نفس قوة ورونق باقي الأجزاء.

علشان تبقى عارف:

تقييم الفيلم على IMDB 6.4 من 10 وشارك في التقييم حوالي 20 ألف مشاهد للفيلم.