The Definitive Guide to Living in the Capital , Cairo , Egypt

على الرغم من جمالها الأخاذ، قررت “نيكول كيدمان” تلغي الشكل، وتقدم دور مختلف تمامًا في أحدث أفلامها. مُعتمِدة فقط على قدراتها التمثيلية العظيمة

في فيلم Destroyer بنشوف محققة الشرطة إيرين بيل “نيكول كيدمان”، بتحاول تخترق عصابة كبيرة وتتجسس عليهم. بعد كده ومع تقدمها في العمر، علشان نبدأ نعيش معاها رحلتها، وإزاي حصل لها كل التحول ده.

أداء نيكول كيدمان التمثيلي ممتاز جدًا. ولعبت الدور أروع ما يكون. كمان المكياج كان من أقوى عناصر الفيلم. اللي حول نيكول كيدمان لواحدة متعبة ومدمرة نفسيًا.

بالنسبة للقصة، فكانت ضعيفة ومتوقعة. ومافيهاش أي مفاجأة للمشاهدين. حتى محاولات المخرجة “كارين كوساما” لعمل بعض التشويق في الفيلم، أدت لتطويل بعض المشاهد بدون داعي. وفي النهاية بتخرج بدون أي مفاجأت، وأساسها الملل.

لكن من ناحية تانية جرعة الدراما كانت مكثفة. واعتمد الفيلم على عدد قليل نسبيًا من الممثلين، علشان يوصلنا أحسن انطباع باللي بيحصل.

فيلم Destroyer مميز ومتعوب فيه. بنرشحه للمشاهدة بقوة.