The Definitive Guide to Living in the Capital , Cairo , Egypt

 بعض الأفلام بتعرف توجه محتواها للكبار فقط، وبعض الأفلام بتكون للصغار فقط، أما أحلى الأفلام من وجهة نظرنا فهي المناسبة للكبار والصغار مع بعض، لكن فيلم Dolittle للأسف ماقدرش يكون مناسب للكبار.

فيلم Dolittle بيحكي عن الدكتور “جون دولتيل” اللي قام بدوره “روبرت داوني جونيور” واللي عنده قدرة غير عادية بتخليه يفهم ويسمع ويتكلم مع الحيوانات، وبنشوف مواقف كتير بتحصل نتيجة القدرة دي.

من الواضح إن “روبرت داوني جونيور” افتكر إنه ممثل لا يمكن توجيهه أو التعديل عليه بعد سلسلة من النجاحات اللي حققها في سلسلة Iron Man الشهيرة، علشان كده لاحظنا إن أداؤه التمثيلي “كسول” ومش في الفورمة إطلاقاً.

أما سيناريو الفيلم فكان جيد جدًا، لكن زي ما قولنا الفيلم مش هيكون مسلي غير للأطفال بس، أما الكبار فهيحسوا إن الفيلم نسخة باهتة وضعيفة من الأعمال التانية المقتبسة عن نفس القصة.

مش هننكر إن الفيلم فيه قدر كبير من الإبهار على مستوى المؤثرات الخاصة والخدع البصرية، وده يعتبر من نقط قوة الفيلم، لكن نقدر نعتبر إن السيناريو والإخراج هم العمود الفقري لأي فيلم، والخدع السينمائية مجرد عنصر مساعد، ومهما كانت الخدع دي رائعة مش هتقدر تشيل فيلم لوحدها.