-
كليف اوينماري إليزابيث وينستد...
-
إثارةخيال علمي
-
آنج لي
-
في1 Cinema
Mohamed Hamdy
تعملوا إيه لو لقيتوا نسخة منكم في المستقبل، وقدرتوا تقابلوها وتتكلموا معاها؟ غالبًا في ناس هتفرح لو كانت مهنتهم تقليدية أو مملة، علشان هتقدر تبعت نسخه للشغل وتستمتع هي، لكن لو كانت شغلتكم هي القتل والتدمير، فأكيد هتعيدوا حساباتكم.
فيلم Gemini Man بيحكي عن عميل من نوع خاص، محترف في القتل والتدمير والاستهداف لصالح الحكومة، لكن بعد استقالته من عمله ومحاولاته للاستمتاع بحياته بعد التقاعد، هيكتشف إنه تم استنساخ نسخة منه علشان تدور عليه وتقتله، وده هيخليه يدخل في مقاومة وحرب مع نسخة منه في كل أفعاله، وقادرة على استنتاج كل تصرفاته.
فكرة مقابلة الإنسان مع نفسه فكرة فلسفية في المقام الأول، لكن لما نحطها في فيلم أكشن، يبقى لازم ناخد بالنا إن الموضوع ما ينفعش تناوله لا بسطحية، ولا بشكل معقد ومستعصي على الفهم في نفس الوقت، لكن للأسف Gemini Man انحدر بالفكرة، وسطحها لدرجة كبيرة.
إخراج “أنج لي” للأحداث كان ضعيف ومش موزون، وماقدرش يقدم رؤية فلسفية ولا حتى فيلم أكشن قوي، لأن المؤثرات الخاصة كان لها دور كبير في إخراج مشاهد الأكشن، وتسببت في خروج بعض المشاهد بشكل مش مفهوم وسريع زيادة عن اللازم والمشاهدين حسوا بده.
لكن من ناحية تانيه، أجواء المستقبل اللي تم التصوير فيها كانت جيدة، وكانت متوافقة مع أداء “ويل سميث” ومكياج الشخصية، علشان يقدموا لنا في النهاية بعض الأحداث الجيدة اللي تخلينا نسأل نفسنا هنعمل إيه لو كنا مكان البطل؟
أضعف نقطة في الفيلم كانت الحوار اللي مش متوظف بشكل صحيح، واللي بعض الجمل فيه كانت أطول من اللازم، وده حسسنا بالملل في بعض المشاهد، خاصةً إننا بنتكلم عن فيلم أكشن، فالمفروض بيبقى غالب عليه مشاهد الحركة والإثارة والحوارات القصيرة.