Godzilla: King of the Monsters
فيلم Godzilla: King of the Monsters: الأجزاء الأحدث مش دايمًا الأفضل
Godzilla: King of the Monsters أفلام جودزيلا سينمات القاهرة-
أويشا جاكسون جونيورفيرا فارميجا...
-
إثارةرعب...
-
مايكل دورتي
-
في1 Cinema
Mohamed Hamdy
كل ما تبحث هوليوود عن الربح السريع من خلال إعادة تقديم الأفلام القديمة اللي كسرت الدنيا من جديد. لازم تحصل حاجه تخلي الأفلام الجديدة – اللي المفروض تكون أحدث وأغلى من حيث الإنتاج – ما تحققش نفس النجاح اللي حققته الأفلام القديمة!
فكرة الوحش العملاق جودزيلا اللي بيدمر مدن كاملة وبيقتل ألاف الأفراد مش فكرة جديدة على السينما أبدًا. وتم تقديم عشرات الأفلام اللي بتناقش نفس الفكرة. لأن تيمة الوحش الخارق بتقدر دايمًا تجذب عدد كبير من المشاهدين خاصة الشباب والمراهقين.
لكن مشكلة Godzilla: King of the Monsters كانت السطحية الكبيرة في الأحداث. والشخصيات أحادية المشاعر اللي شوفناها طوال فترة عرض الفيلم. يعني مافيش شخصيات مكتوبة بعمق أو متقدمة على الشاشة علشان تكسب تعاطف المشاهدين وتخليهم يشغلوا دماغهم مع الأحداث.
الفيلم بيحكي عن مؤسسة سرية متخصصة في مواجهة الوحوش العملاقة. والجهود اللي بتقوم بيها علشان توقف مجموعة من الوحوش الخطيرة اللي هتتسبب بصراعها في فناء البشرية بالكامل.
مشاهد الصراع بين الوحوش كانت قوية ولعبت المؤثرات الخاصة دور مهم فيها طبعا. لكن على الرغم من البذخ في الإنتاج لكن المشاهد نفسها مكانتش قوية ومؤثرة زي المشاهد القديمة للأفلام السابقة. لكن لو كان المشاهدين من فئات عمرية أصغر أو دي اول تجاربهم مع جودزيلا ممكن يعجبهم الفيلم
Godzilla: King of the Monsters قد يكون احدث فيلم عن جودزيلا.. لكن اكيد مش الأحسن!
علشان تبقى عارف: تقييم الفيلم على موقع IMDb هو 6.9 من 10.