The Definitive Guide to Living in the Capital , Cairo , Egypt

قصة فيلم Gretel and Hansel من القصص الشهيرة اللي تم تقديمها في أفلام كتير قبل كده، وبالتالي معظمنا كمشاهدين عارفين القصة كويس من قبل ما نشوف الفيلم، وده معناه إن لازم حاجات تانية غير القصة هي اللي تخلينا ننجذب لمتابعة الفيلم، وهو ده اللي حاول يعمله المخرج “أوز بيركنز” لكن للأسف، فشل فيه باقتدار.

فيلم Gretel and Hansel بيحكي عن بنت وأخوها الصغير، بيدخلوا غابة يدوروا فيها على أكل، وفجأة هيلاقوا بيت فيه كل ما لذ وطاب من الأكل، لكن صاحبة البيت ده لها أغراض شريرة، مش هنحرقها لكم.

زي ما قولنا.. القصة معروفة ومافيهاش جديد، علشان كده المخرج “أوز بيركنز” حاول يبهرنا بالمؤثرات الخاصة والديكورات اللي كانت فعلاً مختلفة، ده غير إن توظيف الموسيقى التصويرية في مجريات الأحداث كان جميل جدًا، لكن هل الحاجات دي كافية لتقديم فيلم رعب متكامل؟

الإجابة طبعًا لأ.. لإن طول الوقت في إحساس إن أهم عامل من عوامل أفلام الرعب الناجحة مش موجود، وهو “الخوف” والشعور بالترقب، وانتظار المجهول، و Gretel and Hansel كان طول الوقت بيحسسنا إن فيه حاجة غريبة بتحصل، لكن مش بياخد الخطوة اللي بعدها ويخلينا في حالة رعب كاملة، ودي أكتر حاجة ضايقتنا في الفيلم.