The Definitive Guide to Living in the Capital , Cairo , Egypt

أفلام
Human Flow

فيلم Human Flow: وثائقي عن اللجوء

  • إسراء عبودحنان عشراوي...
  • وثائقي
  • آي وي وي
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Human Flow: وثائقي عن اللجوء

فيلم Human Flow بيناقش قضية اللجوء اللي أصبحت بتهم كتير من دول العالم خصوصًا بعد أحداث “لربيع العربي”. لكن هل الفيلم قوي؟ ده اللي هنعرفه من السطور الجاية.

القصة

فيلم Human Flow بيحكي بشكل وثائقي عن الناس اللي بتضطر تسيب منازلها وبلادها وتهرب لبلاد ومناطق تانية، إما لأسباب طبيعية زي المجاعات أو الكوارث الطبيعية والفيضانات، أو بسبب حاجات من صنع الإنسان زي الحروب والصراعات المسلحة.

فريق العمل

الفيلم من تأليف تيم فينش وشين – شين ياب، وإخراج آي ويوي.

من الأمور اللي أعجبتنا في الفيلم قدرته على جذب انتباهنا من خلال سرد الحقائق بشكل تقريري سريع وبدون عرض أي رأي شخصي. بمعنى آخر الفيلم بيضعنا أمام الحقائق المجردة ويسيب لكل مشاهد مهمة استنتاج الحقائق من وراء المعلومات دي، أو حتى تكوين المشاعر والشعور بالحزن أو الغضب من كم الأمور المأساوية اللي البشر بتتسبب بيها لبعضها بالألم والتهجير والموت.

وعلى الرغم من الطبيعة الوثائقية للفيلم لكن الأحداث اللي قدمها الفيلم وطريقة سرده لها خلتنا مهتمين بالمتابعة من البداية للنهاية، بل والتأثر لدرجة أن عيوننا دمعت في بعض مشاهد الفيلم تأثرًا بالأحداث والسرد الجذاب، وده من أقوى عناصر الفيلم.

أما أروع الأمور في الفيلم فهي التفاصيل الكاملة، بمعنى أن الفيلم بيصحبنا في رحلة اللجوء من البداية للنهاية، وبيعرض لنا كم المخاطر اللي بتصاحب الرحلة دي، وده مش بيخلينا مجرد مشاهدين، لكن مشاركين في الحدث نفسه وبنسأل نفسنا كل شوية إيه ممكن يحصل لو –لا قدر الله- كنا مكان الناس دي؟

الخلاصة

لو بتسعى لمعلومات جديدة وجادة ودراسة حقيقية عن أزمة اللجوء في العالم بننصحك بمشاهدة Human Flow.

علشان تبقى عارف:

مخرج الفيلم آي ويوي فنان صيني معاصر، شارك مع معماريين من سويسرا في تشييد ملعب بيكين الوطني، ويعتبر ناشط في مجال حقوق الإنسان.

عجبك ؟ جرب

The White Helmets

نصيحة 360

تقييم الفيلم على موقع IMDB 6.3 من 10

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح