The Definitive Guide to Living in the Capital , Cairo , Egypt

أفلام
Judy

فيلم Judy: كواليس عالم الفن.. مش دايمًا مبهرة

Judy الأوسكار جودي جارلاند رينيه زيلويجر
  • جون داجليشجيسي باكلي...
  • دراماعائلي
  • روبرت جولد
تم التقييم بواسطة
Mohamed Hamdy
قيم
قيم الآن
فيلم Judy: كواليس عالم الفن.. مش دايمًا مبهرة

مع قرب شهر فبراير من كل سنة، وهو الشهر اللي بتعلن فيه جوائز الأوسكار، بنشوف أفلام كتير مقتبسة عن قصص حقيقية، في محاولة لجذب انتباه لجنة التحكيم في الأوسكار المعروف عنها انحيازها للأفلام المعتمدة على قصص حقيقية، وفيلم Judy يعتبر واحد من الأفلام دي.

فيلم Judy بيحكي عن الفنانة الأسطورية “جودي جارلاند” في فترة صعبة من فترات حياتها، لما فلوسها بتبدأ تقل وبتبدأ الأضواء تبعد عنها، وده بيخليها تاخد قرار صعب، وهو إنها تسيب أطفالها في أمريكا وتنطلق في جولة فنية في بريطانيا.

الفيلم بيدي صورة قاتمة شوية عن عالم صناعة السينما والغناء، وإزاي بمجرد ما تختفي الأضواء والشهرة عن الفنان بيبدأ يعاني نفسيًا وماديًا بشكل كبير، وإزاي بعض الأعمال الفنية اللي بنشوفها بشكل مبهر على الشاشة بيكون وراها معاناة وضغط نفسي وعصبي كبير، وده بنشوفه بوضوح في مشاهد بدايات جودي.

أحلى ما في الفيلم من وجهة نظرنا هي حالة التجسيد الأكثر من رائعة للفنانة “رينيه زيلويجر” في دور “جودي” وحقيقي مانقدرش نقول إن اللي شوفناه كان تمثيل، لكن كان معايشة وتطابق كاملين بين “رينيه” وبين الشخصية اللي بتأديها، ومن الواضح أن “رينيه زيلويجر”هتكون مرشحة أساسية وقوية في جوائز الأوسكار الجاية.

الأغاني والموسيقى التصويرية للفيلم كانت رائعة، وتم توظيفهم بشكل ممتاز لخدمة السيناريو، لكن من ناحية تانية إيقاع الفيلم كان بطيء ورتيب، ومانقدرش نقول إن الفيلم بيقدم قصة متتابعة وسريعة ودسمة من الأحداث، لكن على العكس هو بيقدم عدد قليل من الأحداث لكن بيسيبها تستوي على نار هادية جدًا، وده مش هيكون مناسب لعدد كبير من المشاهدين.

عجبك ؟ جرب

Once Upon a Time.. in Hollywood

نصيحة 360

لو مهتم بكواليس العمل في عالم الفن وعندك بال رايق وصبر، يبقى فيلم Judy هيكون مناسب لك، خاصةً مع الأداء الاستثنائي من "رينيه زيلويجر".

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح