The Definitive Guide to Living in the Capital , Cairo , Egypt

من الواضح أن هوليود لسه مستمرة في محاولة إعادة إنتاج كل أعمالها القديمة من جديد لتحقيق المزيد من النجاح. سلسلة أفلام حديقة الديناصورات حققت نجاح كبير من بداية عرضها. وتم إعادة إصدار السلسلة من جديد، قدرت تحقق نجاح مميز. المرة دي راجعة بجزء جديد بعنوان “Jurassic World: Fallen Kingdom”.

في الجزء الخامس من السلسلة بنشوف حال حديقة الديناصورات بعد 4 سنين تقريبًا من دمارها. ومع بداية ثورة بركان قديم، بيتجه أبطالنا من جديد للحديقة لإنقاذ الديناصورات من الموت. الأمر اللي بيفتح على الجميع سلسلة لا تنتهي من المغامرات والمشاكل.

المخرج جيه إيه بايونا والمؤلف ديريك كونولي نجحوا في تقديم جزء قوي ومميز من السلسلة. وقدروا يطوروا أساسيات السلسلة ويضيفوا لها بعض الأبعاد الجديدة، بشكل ما يضايقش الجمهور القديم للسلسلة. وفي نفس الوقت يحاول يكسب أرض جديدة للمشاهدين الجدد، اللي ممكن يكونوا داخلين الفيلم للمرة الأولى كتجربة لسلسلة حديقة الديناصورات.

أبطال الفيلم  برايس دالاس  هوارد وكريس برات وجيمس كرومويل وجيف جولدبلوم قدموا أداء تمثيلي قوي ومتناسب مع الخلفية التاريخية للأحداث. وكان كل واحد من أبطال الفيلم عارف دوره وأبعاده كويس وقدمها بشكل جيد على الشاشة.

عشاق سلسلة أفلام حديقة الديناصورات هيلاقوا في الفيلم تجربة جديدة ومميزة بالنسبة لهم. أما الناس اللي أول مرة تتفرج على السلسلة ننصحهم بمراجعة الأجزاء السابقة لمزيد من المتعة والقدرة على المتابعة.

علشان تبقى عارف:

الفيلم يعتبر خامس فيلم في سلسلة أفلام Jurassic Park.