The Definitive Guide to Living in the Capital , Cairo , Egypt

أفلام
Like a Boss

فيلم Like a Boss: سلمى حايك طلعت نصابة

A Simple Favor Like a Boss تيفاني هاديش روز بيرن سلمى حايك ميجيل أرتيتا
  • تيفاني هاديشجاكوب لاتيمور...
  • كوميدي
  • ميجيل أرتيتا
تم التقييم بواسطة
Mohamed Hamdy
قيم
قيم الآن
فيلم Like a Boss: سلمى حايك طلعت نصابة

في بداية مشاهدتنا لفيلم Like a Boss كنا خايفين يكون واحد من الأفلام اللي ماشية في موضة الفيمنست، لكن الحقيقة الفيلم قدر يقدم لنا جرعة كوميديا لطيفة، مع قصة نقدر نتابعها بدون مجهود كبير، وهو ده المطلوب منه بدون زيادة ولا نقص.

فيلم Like a Boss بيحكي عن سيدتين بيدخلوا مجال الأعمال وبيحلموا بتكوين بيزنس خاص بهم، عبارة عن شركة في مجال التجميل، وعلى الرغم من الاختلاف الكبير بينهم من حيث الشخصيات، بياخدوا أول خطوات لهم في المجال، لحد ما بيقعوا تحت سيطرة ونصب مليونيرة كبيرة “سلمى حايك” بتستغل جهلهم بمجال البيزنس.

زي ما قولنا، الفيلم خفيف وأحداثه سهلة الاستنتاج وفي نفس الوقت ممتع وكوميدي، وده ناتج من الكيمياء الجميلة بين بطلاته “روز بيرن” و”تيفاني هاديش” و”سلمى حايك” واللي حولوا الفيلم لمسخرة حقيقية في كل مشهد تقريبًا بشكل يخلي المشاهد مايحسش بالملل ولو لثانية واحدة.

المخرج “ميجيل أرتيتا” استغل إسم “سلمى حايك” علشان يعمل تسويق جيد جدًا للفيلم، والحقيقة إن “حايك” بتثبت كل يوم إن السن مجرد رقم، وإنها قادرة تمثل وتلعب أي دور مطلوب منها سواء كان عميق أو خفيف زي دورها في “Like a Boss” بمنتهى السهولة والإقناع في نفس الوقت.

موسيقى الفيلم وديكوراته كانوا كويسين، لكن للصراحة “Like a Boss” مش من الأفلام اللي تركز فيها على الموسيقى والديكور على قد ما التركيز بيبقى مهم على القصة والقفشات الكوميدية اللي فيها، ونقدر نقول لكم إن الفيلم فيه جرعة كوميديا جميلة ومنوعة جدًا.

عجبك ؟ جرب

A Simple Favor

نصيحة 360

باختصار.. لو عاوزين تنفضوا من كل حاجه وتقضوا حوالي ساعتين كوميديا وإفيهات، ننصحكم بمشاهدة Like a Boss.  

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح