The Definitive Guide to Living in the Capital , Cairo , Egypt

فيلم Mary Poppins Returns بيحكي عن أسرة بتعاني مشاكل كتير. خاصة مع فترة الكساد في لندن. واللي خلت حياة أسر إنجليزية كتيرة تتحول لمأساة. لكن كل الأمور دي بتختلف مع وصول ماري بوبينز “إيميلي بلانت”. اللي بتحاول تخلي حياة الأسرة دي سعيدة، من خلال أساليبها السحرية وتصرفاتها المجنونة. هل هتقدر؟

من أهم عناصر نجاح الفيلم، الخدع البصرية واستخدام الألوان، وتوظيف الموسيقى. والمميز في الخدع إنها كانت غير مباشرة أو واضحة بشكل كبير. وتم تضمينها بذكاء في كتير من المشاهد. بالإضافة طبعًا لكثافتها في بعض المشاهد والاستعراضات. كل ده أدى لتحويل بعض مشاهد الفيلم لكرنفال حقيقي من الخدع والألوان والموسيقى.

كل ده كان هيكون بلاقيمة، لو كان أداء “إيميلي بلانت” ضعيف. والحقيقة أن “بلانت” قدرت تقوم بدورها على أكمل وجه. وقدرت توصل لمرحلة الذروة في أدائها الفني، وتقدم دور قوي ومميز.

مخرج الفيلم “روب مارشال” قدر يقدم توليفة ممتازة بين الكوميديا والإثارة، مع الاستعراض والأغاني الجميلة. وحاول بقدر الإمكان يجمع ما بين الجمهور اللي شاف الفيلم الأصلي، والجمهور اللي عاوز يستمتع بالفيلم كقصة قائمة بذاتها. بعيدًا عن العمل الأساسي.

لكن في النهاية محبي Mary Poppins الأصلي هيحسوا أن الفيلم ماقدرش يعيد تقديمه من جديد. قد يكون ده بسبب عيب في الفيلم نفسه، أو نتيجة الحالة اللي بيخلقها الحنين للفيلم القديم.