The Definitive Guide to Living in the Capital , Cairo , Egypt

ساعات قصص الحب الجميلة بتصطدم بقرارات صعبة من الأهل، أو ظروف سيئة في المجتمع، لكن أصعب قصص الحب هي اللي ممكن تصطدم بحالات صحية حرجة. وهو ده اللي بيحكي عنه فيلم Midnight Sun

القصة

Midnight Sun بيحكي عن بنت مصابة بمرض نادر، بيخليها ممنوعة من التعرض للشمس. ولما بتقع في الحب، بيكون على حبيبها أنه يتفهم طبيعة مرضها. ويواجه كل الصعوبات اللي ممكن تقابل قصة حب غريبة بالشكل ده.

فريق العمل

الفيلم إخراج سكوت سبير. وتأليف إريك كريستين. وبطولة بيلا ثورن، باتريك شوارزينجر، روب ريجلي، وكوين شيبارد.

الأداء التمثيلي

الأداء التمثيلي لأبطال الفيلم كان جيد، وكان من الواضح أدراك كل واحد منهم للأبعاد الإنسانية والنفسية للدور. وده أدى في النهاية لظهور الفيلم بشكل قوي ومؤثر في نفوس كل المشاهدين.

السيناريو والحوار والإخراج

سيناريو الفيلم بيتسم بالهدوء والانتقال من نقطة للتانية بهدوء شديد، ممكن يبدو ممل للبعض. لكن أكيد محبي الأفلام الرومانسية هيستمتعوا ببساطة الأحداث دي.

الديكورات والموسيقى والأزياء

ديكورات الفيلم كانت جيدة. والتصوير في الأماكن المفتوحة وزوايا التصوير، مع الموسيقى التصويرية الهادئة، ساعدوا على دخولنا في الجو الرومانسي للأحداث. وشعورنا بالتداخل والتكامل مع قصص الأبطال.

الخلاصة

Midnight Sun فيلم هيعجب محبي الأفلام الرومانسية الهادئة، اللي فيها تحديات كبيرة ومحاولات للنجاح بقصة الحب برغم الصعوبات.

علشان تبقى عارف:

تقييم الفيلم على موقع IMDB 6.1 من 10