The Definitive Guide to Living in the Capital , Cairo , Egypt

السؤال الأهم اللي سألناه لنفسنا أثناء مشاهدة فيلم Paul, Apostle of Christ هو إيه اللي ممكن الواحد يضحي بيه علشان إيمانه؟ وإيه المخاطرة اللي ممكن يقوم بيها علشان يعمل اللي مؤمن بيه فعلًا؟ الحقيقة إن الفيلم نجح يخلينا نفكر في مواضيع زي التضحة والإيمان بطريقة مختلفة.

بيحكي فيلم Paul, Apostle of Christ عن علاقة صداقة بين لوكا وبول، الأول طبيب بيسعى لتنفيذ كتاب مهم جدًا، والثاني واحد من تلاميذ المسيح، والمحتجز في سجن بيتم فيه تعذيب المؤمنين. والفيلم بيطرح سؤال مهم: هل هيقدر لوقا يكتب كتابه؟ وإيه اللي هيضحي بيه علشان يوصل لهدفه؟

تميز الفيلم بوجود مجموعة مهمة من الممثلين زي جيم كافيزيل بطل فيلم (The Passion of the Christ) وجيمس فولكنير، وأوليفر مارتينيز، وجون لينيش، ويورغوس كاراميهوس اللي شارك قبل كده في فيلم (Ben-Hur)، كمان الفيلم تميز بوجود لمسات مميزة لمخرجه أندرو يات، اللي سبق وأخرج فيلم (The Frozen).

لو اتكلمنا عن الأداء التمثيلي للنجوم، يبقى لازم نعترف إن الأداء كان قوي ومميز إلى أقصى درجة. والسبب في ده أن معظم فريق عمل الفيلم شاركوا قبل كده في أعمال تانية لها علاقة بحياة السيد المسيح، وبالتالي نقدر نقول إن عندهم خبرة بالفترة دي، وبشكل عام حسينا بقدرة فريق العمل على تقمص شخصياتهم وانفعالهم بها وأدائهم لها كأفضل ما يكون.

أما سيناريو الفيلم فده تميز بالقوة والأحكام والقدرة على تقديم سلسلة من الأحداث المتعاقبة بشكل مميز بدون ما يشعر المشاهدين بالملل، وإخراج الفيلم بصفة عامة تميز بالتركيز على مسألة الفداء والتضحية والسعي وراء الهدف وبذل الغالي والثمين من أجله.

حسينا كمان إن ديكورات الفيلم كانت مميزة وقدرت تنقلنا بصريًا لزمن الأحداث، وتفاعلت مع الموسيقى اللي كانت بتتحرك بحذر على طول الخيط الدرامي للأحداث علشان تنقلنا لزمن أحداث الفيلم، وده اللي نجحت فيه في النهاية.

باختصار شديد نقدر نقول إن فيلم Paul, Apostle of Christ قدرم لنا قصة جميلة، وواثقين إنه هيعجب كل شخص مؤمن بهدف وبيحاول يوصل له، بغض النظر عن الجانب الديني للفيلم.

وأخيرًا..

الفيلم حصل على تقييم وصل لـ 7.1 على موقع IMDB العالمي، وده تقييم مش قليل وبيعني إن الفيلم فعلًا أثر في ناس كتير.