The Definitive Guide to Living in the Capital , Cairo , Egypt

محبي أفلام الاستعراضات والأغاني والرقص هيلاقوا في الجزء الجديد من Pitch Perfect كل اللي بيدوروا عليه، ده كان المتوقع من الفيلم وصناعه، لكن الجديد كان قدرتهم على إضافة جانب انساني ومشاهد قوية تستحق المشاهدة غير مشاهد الاستعراض، وده من أفضل الأمور اللي عجبتنا في Pitch Perfect اللي هنتكلم عنه بالتفصيل في السطور الجاية.

القصة

على الرغم من انفصالهم بعد حصولهم على بطولة العالم، فريق الفتيات اللي أمتعنا في الأجزاء السابقة من الفيلم باستعراضاتهم، بيعود للتعاون مرة ثانية للمشاركة في مسابقة جديدة، لكن المرة دي ضد فريق قوي ومميز، مش بس في الغناء لكن في الاستعراض والعزف والرقص.. هل هيقدروا ينجحوا المرة دي؟

فريق العمل

الفيلم من إخراج تيريش سي، وتأليف كاي كانون، ومن بطولة ريبيل ويلسون وآنا كامب وروبي روز وبريتاني سنو وإليزابيث بانكس وألكسيس ناب.

الأداء التمثيلي

المميز في الأداء التمثيلي لبطلات الفيلم، هو قدرة كل واحدة فيهم على إدراك المطلوب منها على صعيد التمثيل، بحيث قدرت كل بطلة من البطلات تنقل لنا شعورها مش بس كنجمة استعراض لكن كإنسانة لها مشاعر وأحاسيس. وده من أفضل الأمور اللي أثارت انتباهنا وإعجابنا بخصوص الفيلم.

السيناريو والحوار والإخراج

سيناريو الفيلم كان سهل الفهم والمتابعة، وقدر يتنقل بينا في المشاهد والأحداث المختلفة بسهولة، وده شيء يحسب له، أما حوار الفيلم فكان عليه أنه يكون كوميدي وخفيف معظم الوقت وبرضه نجح الحوار في كسر ملل بعض المشاهدين اللي يمكن مش عاوزين يتفرجوا على كمية كبيرة من الاستعراضات والرقصات.

الديكورات والموسيقى والأزياء

طبعًا لما بنتكلم عن فيلم قوامه الأساسي الاستعراض والغناء، لازم تكون ديكوراته وموسيقاه التصويرية جيدة جدًا ومبهرة، بالإضافة لتصميم الأزياء واختياراتها، وطبعًا الديكورات اللي لعبت دور مهم علشان نشعر بكل تفصيله في الفيلم ونتذوقها بشكل مميز.

الخلاصة

فيلم Pitch Perfect 3  بيقدم لنا استعراضات مميزة وأغاني حلوة، مع لمحة درامية وبعض الكوميديا.. يعتبر خلطة مثالية لكل محبي الأفلام الاستعراضية.

علشان تبقى عارف:

تقييم الفيلم على IMDB 6.3 من 10.