Play or Die
فيلم Play or Die: لو ده اللعب.. الجد يبقى إزاي؟
play or die Puzzle تشارلي بالمر روثويل روكسانمسكيدا-
تشارلي بالمر روثويللاتيتيا شامبون...
-
رعب
-
جاكس كلوجر
-
في1 Cinema
Mohamed Hamdy
الجميل في الأفلام المقتبسة عن روايات إن بيكون عندك أصل تقدر ترجع له وتقارن بيه، بس على قد ما الموضوع ده جميل بالنسبالنا كجمهور، على قد ما بيكون عبء على صناع الفيلم، لإنهم في الحالة دي مجبرين يقدموا فيلم قوي بنفس قوة الرواية.
فيلم Play or Die المقتبس عن رواية Puzzle بيحكي عن مجموعة من الأصدقاء بيتفقوا على لعبة هروب من مكان مقفول، لعبة بدأت تنتشر في مصر مؤخرًا لكن المرة دي هتتلعب بشكل حقيقي.. والغلطة فيها بموته!
في طريق خروج الأبطال من الغرف المغلقة والأفخاخ، بنبدأ نعرف أكتر عنهم، لكن للأسف السيناريو مش مخلينا نعرف كتير غير عن اتنين من الأبطال هما “لوكاس” و”كلوي” واللي قام بأدوارهم “تشارلي بالمر روثويل” و”روكسانمسكيدا” أما باقي الأبطال فللأسف مش متاح لهم نفس الوقت علشان نعرف قصتهم وأبعاد شخصياتهم، وبالتالي مش هنحس بتعاطف كبير معاهم.
تصميم الخدع وإخراجها نقدر نقول عليه جيد، وكمان استخدام الإضاءة الخافتة والألوان الباردة عمومًا أضاف للفيلم، لكن من ناحية تانية تصميم المشاهد وسيناريو الفيلم بشكل عام كان مكرر وفيه كليشيهات كتير بقت محفوظة من كل أفلام الرعب المشهورة تقريبًا، وده خلانا نحس بالملل من بعض الأحداث اللي كنا قادرين نتوقع هتمشي إزاي.
في نهاية الفيلم بنشوف Twist أو تحول في مجرى الأحداث مهم ومثير، مش هنقدر نحرقها لكم طبعًا، لكن دي نقطة قوة في الفيلم وتتحسب ليه لإنها كانت المرة الوحيدة تقريبًا اللي صناع الفيلم فكروا فيها بره الصندوق، ويقدموا حاجة من بنات أفكارهم.
