-
تالولا ريليجوناثان بينيت...
-
حركة ومغامرات
-
ستيف سي ميلر
-
في1 Cinema
Mohamed Hamdy
عجبنا في فيلم Submerged قدرته على جذبنا وأجبارنا على المشاهدة من المشهد الأول للأخير بدون الشعور بالملل، على الرغم من أن مستواه الفني لم يكن بنفس القوة اللي كنا متوقعينها. تعالوا نتعرف أكتر على تجربتنا مع Submerged.
القصة
الفيلم بيحكي عن بنت في سن الشباب بتجد نفسها مع حبيبها في مواجهة خطيرة وقاتلة مع مجموعة من المجرمين اللي بيحاولوا يعتدوا عليهم. ومع كل مشهد بتحاول تجتهد لأقصى حد علشان تنجو بنفسها وحبيبها من المصير المرعب الي منتظرهم على يد المجرمين.
فريق العمل
الفيلم من إخراج ستيفن سي ميلر ومن تأليف سكوت ميلام، أما البطولة فكانت لـ جوناثان بينيت وتالوله رايلي وروزا سالازار وويلا فورد وصامويل سي هانت وتيم دالي.
الأداء التمثيلي
الجزء الأكبر من عبء الأداء التمثيلي وقع على كاهل تالوله رايلي واللي قدرت تقوم بدورها على أكمل وجه وتقدم لنا شعور المختطفة أو الواقعة في كارثة مع كل مشهد كانت بتقوم به. الجميل أن أدائها التمثيلي تضافر مع باقي عناصر الفيلم علشان يقدموا لنا في النهاية فيلم محكم وقوي.
السيناريو والحوار والإخراج
سيناريو الفيلم اعتمد على فكرة عدم ترك المشاهد للشعور بالزهق من الأحداث ولا ثانية واحدة. لكن على الرغم من محاولات السيناريو إنه يحقق هدفه لكن في بعض المشاهد حسينا إننا محتاجين بعض الراحة من الأكشن والتوتر. ونعتقد أن معظم اللي هيتفرجوا على الفيلم هيضعوا نفسهم مكان الأبطال ويتخيلوا إيه كان ممكن يعملوه لو كانوا مكانهم؟!
حوار الفيلم لعب دور مهم جدًا في قيادة الأحداث، وعرفنا كتير عن الجوانب الشخصية والنفسية للأبطال، أما الإخراج فقدر يستغل موهبة تالوله رايلي علشان يقدم في النهاية فيلم جيد ومتماسك.
الديكورات والموسيقى والأزياء
لكن بنعيب على الفيلم أن الموسيقى والديكورات الخاصين بيه كانوا مش بالقوة اللي متوقعينها، وكنا نتوقع منهم يكون مستواهم أفضل من كده وأكتر تناسقًا مع الفيلم وتماشيًا معاه. لكن جمهور الفيلم اللي هو جمهور أفلام الأكشن والأثارة ممكن مايهتموش كتير بالنقطه دي.
الخلاصة
فيلم Submerged من الأفلام اللي تخليك تتسائل دايمًا: هعمل إيه لو كنت مكان الأبطال؟! ننصح بمشاهدته لمحبي أفلام الأكشن والإثارة.
علشان تبقى عارف:
حوالي 1000 مستخدم لموقع IMDB أعطوا الفيلم تقييم 4.1 من 10.
