The Angry Birds Movie 2
فيلم The Angry Birds Movie 2: الطيور والخنازير.. إيد واحدة
The Angry Birds Movie 2 أفلام سينما سينمات القاهرة-
جوش جادجيسون سوديكس...
-
حركة ومغامرات
-
ثوروب فان أورمان
-
في1 Cinema
Mohamed Hamdy
من أيام ما كانت The Angry Birds لعبة على الموبايل، واحنا عارفين أن الطيور بتحارب طول الوقت ضد الخنازير. لكن اللي بيقدمه The Angry Birds Movie 2 هو قصة تعاون بين أعداء الأمس لمواجهة خطر أكبر وأهم اليوم.
على الرغم من أن قصة The Angry Birds Movie 2 كويسة وممكن يخرج منها كوميديا قوية جدًا، إلا إن مؤلف الفيلم “بيتر اكرمان” الفيلم ماقدرش يقدم لنا كل الكوميديا الممكنة في القصة، وأخد الطريق السهل علشان يقدم لنا مجموعة من الإيفيهات والتلاعب بالكلمات واللي حسينا إنه مش جديد وقابل للتوقع.
لو هنتكلم عن إيجابيات الفيلم، فمثلاً عجبنا جدًا التحريك ورسم الشخصيات وكرنفال الألوان اللي كان موجود في كل مشهد. التفاصيل دي بتفرق مع الأطفال الصغيرة وتخلي متابعتهم للفيلم أسهل وأمتع. كمان الموسيقى الخاصة بالفيلم كانت حماسية وجميلة وجددت عندنا شعور بالنوستالجيا للزمن الجميل.
كل شخصية من شخصيات الطيور كانت متوافقة مع الصوت اللي بيأديها، وماحسيناش بغربة ناحية الشخصيات دي، لكن بشكل عام حسينا إن الفيلم أضعف من الجزء السابق مع إنه المفروض يكون بيقدم تجربة مضمونة النجاح اعتمادا على ارتباط الجمهور بشخصيات وأحداث الجزء الأول.
فيلم The Angry Birds Movie 2 فيلم مناسب للأطفال الأصغر سنًا بشكل كبير علشان الألوان وتنوعها على الشاشة، كان ممكن يكون مناسب لكل الأعمار لو كان ركز على القصة واستغلالها بشكل أفضل من اللي شوفناه في النهاية.
تقييم الفيلم على موقع IMDB هو 6.4 من 10.