The Informer
فيلم The Informer: الهدف.. الرجوع للسجن
The Informer Three seconds آنا دي أرماس جويل كينمان روزاموند بايك-
آنا دي أرماسجويل كينمان...
-
دراما
-
أندريه دي ستيفانو
-
في1 Cinema
Mohamed Hamdy
لما بنتكلم عن السجن، فأكيد إطار الأحداث هيدور حوالين حاجتين، إما محاولات هروب، أو محاولات إثبات براءة، لكن في فيلم The Informer بنشوف محاولة من نوع جديد، وهي محاولة البطل إنه يرجع للسجن تاني.
فيلم The Informer مقتبس عن رواية سويدية اسمها Three seconds وبيحكي عن راجل بيحاول يتسلل لعصابة موجودة في سجن مشدد الحراسة ضمن شغله السري، وده هيخليه يحاول يدخل السجن علشان يقدر يختلط بأفراد العصابة ويوقعهم، لكن هل هينجح في هدفه؟
وبما إن الفيلم مقتبس عن رواية، ففي الغالب كعادة معظم الأفلام المقتبسة عن روايات إنها مش بتحقق نجاح كبير بين جماهير الرواية، لكن خلينا نقول إن المخرج “أندريه دي ستيفانو” قدر يقدم لنا فيلم جيد ومقنع في طريقة سرد الأحداث، وبمساعدة سيناريو متماسك وعارف إمتى يكون واضح وإمتى يكون غامض بحيث نحس بالمتعة والرغبة في المتابعة طول الوقت.
من بداية الفيلم لنهايته في شدة أعصاب، على الرغم من إن أحداث الفيلم سهلة التوقع وبدون مفاجأت، وبالتالي مفهومة، لكن تقديمها على الشاشة كان مقبول جدًا، وده في حد ذاته استغلال كويس لنقاط القوة في الفيلم.
أداء النجوم “جويل كينمان” و”روزاموند بايك” و”آنا دي أرماس” وباقي الأبطال في الفيلم كان جيد، لكن مشكلتنا الوحيدة مع الفيلم كانت انخفاض الميزانية، وده كان باين جدًا في كتير من مشاهد الفيلم اللي كان واضح عليها الضعف.