The Definitive Guide to Living in the Capital , Cairo , Egypt

الجميل في مغامرة The Nut Job في جزئها الثاني أنها مش بس بتقدم جرعة من الكوميديا والمغامرة، لكنها بتحمل رسالة قوية أساسها حب التعاون والتكاتف بين الناس علشان يوصلوا لأهدافهم وينتصروا على أي عائق بيقابلهم في الحياة.

القصة

الفيلم بيحكي عن شورلي اللي مش هيقدر ينتصر على العمدة الخاص بمدينة أوكاتون إلا بمساعدة أصدقائه وتعاونهم معه، وإلا النتيجة هتكون كارثية على بيوتهم اللي هيتم تدميرها لصالح إنشاء حديقة ترفيهية.

فريق العمل

الفيلم من تأليف وإخراج كال برنكر وبطولة الأداء الصوتي لـ  جيف دونهام ومايا رودولوف وكاثرين هيجل وسباستيان مانيسكالو مع مشاركة صوتية من جاكي شان.

الأداء الصوتي

من أكتر الأمور المميزة في الفيلم هي الأداء الصوتي للأبطال، واللي جاء اختيارهم بشكل متميز كل واحد في دوره علشان يقوم بيه بشكل يجعلنا نشعر أنه فعلًا صوت الشخصية الكارتونية الحقيقي! الأمور دي ممكن تمر مرور الكرام على الكبار لكن بالنسبة للصغار بيدققوا فيها جدًا وبيحكموا على نجاح الفيلم من فشله من خلال التفاصيل دي.

السيناريو والحوار والإخراج

سيناريو الفيلم كان أبعد ما يكون عن الملل، وده كان جانب عظيم من جوانب الفيلم، هي أننا ابتعدنا عن الملل لمدة حوالي ساعتين هي زمن الفيلم، أما الحوار فكان عليه العبء الأكبر للكوميديا في الأحداث وقدر يقوم بيها ويقدم لنا جرعة عالية من الكوميديا مع كل موقف، أما الأخراج فقدر يجمع كل العناصر دي ويقدم لنا في النهاية فيلم ناجح وجذاب.

التحريك والموسيقى والجرافيكس

الطريقة اللي كانت الشخصيات بتتحرك بيها على الشاشة والانسيابية الكبيرة في حركتها عرفنا من خلالها حجم المجهود والتكنولوجيا اللي تم استخدامها في الأحداث، لكن الموسيقى التصويرية كانت محتاجة تكون أفضل وأقوى من كده.

الخلاصة

الجزء الثاني من The Nut Job جزء حيوي وجميل ويستحق المشاهدة من الكبار والصغار على حد سواء.

علشان تبقى عارف:

تقييم الفيلم على موقع IMDB 4.6 من 10 وشارك في التقييم حوالي 1000 مستخدم للموقع.