The Definitive Guide to Living in the Capital , Cairo , Egypt

فيلم The Recall يعتبر من الأفلام منخفضة الميزانية اللي بتحاول تقدم جرعة من الرعب والخيال العلمي والغموض، لكن بدون أي عمق على مستوى الإخراج أو السيناريو. تعالوا نتعرف أكتر على The Recall.

القصة

فيلم The Recall بيحكي عن مجموعة من الأصدقاء بيقرروا يقضوا أيام من المتعة والمرح مع بعضهم في أجازة في مكان شبه مهجور مافيش فيه سكان كتير. لكنهم مش بيبقوا عارفين أن الأرض بتتعرض في نفس الوقت لاجتياح من الكائنات الفضائية، واللي بتحمل للأصدقاء سلسلة من المواقف المرعبة والألغاز المحيرة.

فريق العمل

الفيلم من إخراج مورو بوريللي، وتأليف سام أكتون كينج وريجي كيوهارا، أما البطولة فكانت من نصيب إليشا كريس وفيسيلوش شانون وجيداياه جوداكر ورج مايتي و نيكو بيباج وويسلي سنايبس.

الأداء التمثيلي

للأسف الأداء التمثيلي لأبطال الفيلم كان ضعيف وغير جيد، خاصة أن معظم الأسماء اللي شاركت في الفيلم من الأسماء الصغيرة اللي لسه بتخوض تجاربها التمثيلية للمرة الأولى، لكن بنعتقد أنه بمرور الوقت وزيادة الفرص الأسماء دي هتشهد قدرات تمثيلية أفضل وفرص أقوى.

السيناريو والحوار والإخراج

سيناريو الفيلم كان واضح وبدون أي تعقيدات، لكن في نفس الوقت كان ضعيف ومحتاج تحسينات كتير، وللأسف كان المفروض الإخراج والحوار وباقي عناصر الفيلم تساعده، لكن ده لم يحدث للأسف وأثر على الأداء العام للفيلم وشعورنا بضعفه.

الديكورات والموسيقى والأزياء

ديكورات الفيلم والموسيقى التصويرية الخاصة به كانت أضعف حلقاته، ولما تبقى الديكورات ضعيفة بتأثر على شعورنا بتمثيل الأبطال وقدرتهم على توصيل مشاعرهم لنا، بالأضافة لضعف المشاهد وتحريك الكاميرا كل ده أثر على تقييمنا للفيلم وإعجابنا به.

الخلاصة

فيلم The Recall كان ممكن يكون فيلم أفضل لو كان تم الأهتمام بعناصر قوته من أول التمثيل وحتى الديكورات والموسيقى التصويرية.

علشان تبقى عارف:

تقييم الفيلم 4.3 من 10 على موقع IMDB