The Definitive Guide to Living in the Capital , Cairo , Egypt

فترة طويلة مرت علينا بدون ما نتفرج على فيلم ويسترن أمريكي. بالتالي انتظارنا لفيلم The Sisters Brothers كان على أحر من الجمر.

الفيلم بتدور أحداثه في القرن الـ 19، وبيحكي عن منقب الذهب هيرمان وورم “ريز أحمد”. اللي بيتوصل لتركيبة كيميائية، بيكتشف بها الذهب في الأنهار بسهولة. وده بيخليه هدف أخين من القتلة المأجورين، اللي هم الإخوان “سيسترز”.

رغم إن الفيلم بيضم عدد من نجوم هوليوود الكبار، إلا إننا حسينا بالملل خاصة خلال الربع الأول من الأحداث. أو تحديدًا لحد ما بنبدأ في اكتشاف الحبكة الأساسية للفيلم. ولأن المخرج فرنسي ومتعود على أعمال بتشارك في مهرجانات، كانت طريقة تقديمه للأحداث بطيئة شوية. لكن بعد كده الفيلم بياخد إيقاع جيد ومتسارع.

من المميز في ديكورات الفيلم أنها قدرت تنقلنا زمنيًا ومكانيًا لفترة الأحداث. كمان الملابس والموسيقى التصويرية. كلها حاجات تم اختيارها بعناية شديدة، علشان تنقل لنا التفاصيل بشكل واضح.

فيلم The Sisters Brothers مميز وقوي. بنرشحه لكل محبي أفلام الكوميديا السوداء، وأفلام رعاة البقر والغرب الأمريكي.