The Definitive Guide to Living in the Capital , Cairo , Egypt

من المشاكل المهمة اللي بتناقشها كتير من الأفلام والروايات، هي علاقة المال بالسعادة. هل الأول يقدر يشتري الثاني؟ هو ده اللي بيناقشه فيلم The Upside.

الفيلم بيدور عن ديل سكوت “كيفن هارت”، شاب بيحاول يخرج من أزمة في حياته، بالعمل كمساعد لمليونير مصاب بالشلل “براين كرانستون”. الأمر اللي بينتج عنه سلسلة لا تنتهي، من المواقف الكوميدية والتراجيدية على حد سواء.

المخرج “نيل بيرجر” قدر يستغل الشعبية الكبيرة لكيفن هارت. بالإضافة للقدرات التمثيلية المميزة لبراين كرانستون. كمان الظهور النسائي لـ “نيكول كيدمان” كان مميز. واللي رغم تقدمها في السن، لسه محتفظة بجمالها وتألقها.

حاجه تانية مميزة في الفيلم هي قدرة السيناريو على الخلط بين الكوميديا والتراجيديا. بحيث مايحسش المشاهد بالملل، ويفضل مشدود للمشاهدة طول الوقت.

فيلم  The Upside خفيف وقوي في نفس الوقت. ننصح بمشاهدته في الويك إند.