The Definitive Guide to Living in the Capital , Cairo , Egypt

من الجميل إننا نجد الوقت الكافي علشان نفصل من كل حاجة حوالينا ونفرغ نفسنا لفيلم خيال علمي جميل.. لكن للأسف الفيلم لم يكن بالقوة اللي كنا نتوقعها منه.

القصة

الفيلم بيحكي عن رئيس كوكب سايبرترون واللي بيجد نفسه مجبر على البحث عن قطعة أثرية في كوكب الأرض علشان يقدر ينقذ بيها كوكبه من الموت. القطعة اللي بتجدد حرب شديدة بيدفع ثمنها سكان كوكبنا اللي بيحاولوا يبقوا على قيد الحياة.

فريق العمل

الفيلم من تأليف مات هولواي ومن إخراج مايكل باي، البطولة من نصيب أنتوني هوبكنز ومارك ويلبرج مع لورا هادوك وجون جودمان.

الأداء التمثيلي

على الرغم من قوة الأسماء المشاركة في الفيلم الا أن الأداء التمثيلي لم يكن بالقوة اللي كنا نتوقعها، مع أن توقعاتنا لفيلم فيه أنتوني هوبكنز ومارك ويلبرج على وجه التحديد بتخلينا نعتقد أن الأداء التمثيلي كان المفروض يكون أكبر بكتير من اللي شوفناه في النهاية.

السيناريو والحوار والإخراج

سيناريو الفيلم للأسف أصابنا بالملل خاصة في النصف الأول من الأحداث، لكن النصف الثاني كان أقوى شوية نتيجة مشاهد الصدامات والمطاردات والصراعات الضخمة، وتدخل المؤثرات الخاصة بشكل كبير على حساب الأحداث والمشاعر الإنسانية.

علشان كده بنلوم الإخراج كمسئول أول عن اللي شوفناه في النهاية على الشاشة.

الديكورات والموسيقى والأزياء

ديكورات الفيلم كانت جيدة جدًا، وكمان المؤثرات الخاصة والملابس كان متعوب فيهم جدًا، وللأسف يعتبروا هما النقطة الوحيدة الإيجابية في الفيلم كله خاصة مع سقوط الأداء التمثيلي وشعورنا إنه كان ضعيف ومحتاج يكون أقوى.

الخلاصة

الجزء الجديد من Transformers اعتمد على المؤثرات الخاصة علشان يحقق نجاحه على حساب التمثيل. لكن السؤال: من إمتي المؤثرات الخاصة بتحقق نجاح فيلم؟!

علشان تبقى عارف:

تقييم الفيلم على IMDB 5.3 من 10 وشارك في الاستطلاع حوالي 40 ألف مستخدم للموقع.