The Definitive Guide to Living in the Capital , Cairo , Egypt

فكرة إن شخص عادي يتحول لإنسان ألي ممكن تكون مغرية لكتير من الناس. مفيش ألم ومعدل قوة وسرعة عالي. ساعتها هيفكر إزاي يستغل إمكانياته  الجديدة.

المستقبل، في عالم منتشرة فيه الآلات بشكل كبير، جراي تريس “لوجان مارشال – جرين” بيتعرض لحادثة بالعربية، بسبب عدد من المجرمين. زوجته بتموت وهو بيعيش بشلل في كل جسمه. بعد ما يفقد الأمل في حياته، بيظهر الملياردير إيرون كين “هاريسون جيلبرتسون”. ويعرض عليه يرجعه لحياته الطبيعية، من خلال زراعة شريحة إلكترونية “STEM” في جسمه. ومن هنا الأمور بتاخد اتجاه مثير، لما يلاقي إن “STEM” بيكلمه ويتواصل معاه، وكمان بيفكر بنفسه.

الأداء التمثيلي في الفيلم كان مميز وقوي جدًا. “لوجان جرين” قدر يقدم لنا أداء حركى مدهش. وده طبعًا كان بناء على توجيهات المخرج “لي وانيل”. اللي قدر يستغل الحبكة والقصة الجديدة، علشان يتلاعب بينا على مدار ساعة ونص.

الموسيقى التصويرية كانت لفتت انتباهنا بقوة. وعجبنا توظيفها بطريقة مُلهمة، بحيث تكون جزء من الأحداث مش مجرد عنصر مساعد لها.

المدهش إن الربع الأخير من الفيلم، بيكون فيه تطور رهيب، بينقلك كمشاهد لحتة تانية مختلفة. وبيخلي الأحداث أقوى وتشد أكتر. وده أكيد مش هنحرقه هنا، وهنسيبكم تعرفوه لما تشوفوا الفيلم.

رغم تشابه Upgrade مع أفلام تانية، إلا إنه بيتفرد بحبكة مختلفة وجديدة، بتدي للفيلم شكله ومذاقه الخاص.