-
إيموري كوهينإيميلي هيرسك...
-
دراما
-
جاري مايكل شولتز
-
في1 Cinema
Mohamed Hamdy
الحب والعنف دايمًا بيكونوا على طرفي نقيض. لأن المفروض إن الحب بينبذ العنف وبيتصارع معاه. لكن أحيانًا بيكون العنف والحب وجهان لعملة واحدة. وده اللي بيناقشه Vincent N Roxxy. لكن هل نجح الفيلم أنه يبرز لنا الحقيقة دي؟ هو ده اللي هنعرفه مع بعض.
القصة
الفيلم بيحكي عن بنت وحيدة بتلتقي مع رجل بيسيطر العنف على حياته، وبشكل غير متوقع بتحصل بينهم علاقة حب. وبنحاول نعرف طوال الأحداث، هل هيقدر الحب يعالج التحديات اللي بتظهر بينهم؟ وهل هينفع أن ماضيهم يسيبهم في حالهم؟ ولا هيفضل يطاردهم للنهاية؟
فريق العمل
الفيلم من تأليف وإخراج جاري مايكل شولتز، وبطولة: بوو ناب وسكوت ميسكودي وزوي ديوتش وجيسون ميتشيل وإيموري كوهين وزوي كرافيتز.
الأداء التمثيلي
طبعًا التركيز الرئيسي في الأحداث كان على إيميل هيرش اللي قام بدور فينسنت، وزوي ديوتش اللي قامت بدور روكسي. لكن الحقيقة إن زوي قدرت تسرق الأضواء من إيميل، وتقوم بدور قوي ومميز عنه. لكن بشكل عام الأداء التمثيلي لكل الأبطال كان محتاج يكون أقوى وأكثر تركيزًا.
السيناريو والحوار والإخراج
إخراج الفيلم اعتمد على السيناريو السريع والمتلاحق للأحداث. لكن السيناريو أحيانًا كان بطيء عند بعض المشاهد والتفاصيل، واللي حسينا بعد كده إنها ماكانتش مهمة. والحقيقة أن المسئولية عن الموضوع ده بتقع على عاتق السيناريو والإخراج. اللي هو في النهاية مسئول عن العمل كله بكافة تفاصيله.
الديكورات والموسيقى والأزياء
من أكتر الأمور المميزة في الفيلم كانت الموسيقى التصويرية، واللي كانت مميزة وحولت خلفية الأحداث لحالة من الحب والحركة طوال الوقت. لكن الديكورات ماكانتش بنفس قوة الموسيقى التصويرية، وكانت محتاجة تكون أفضل أو يتم الاهتمام بها بشكل أفضل من اللي شوفناه في النهاية.
الخلاصة
فيلم Vincent N Roxxy بيجمع بين الحركة والجريمة والدراما مع لمسة من الرومانسية. بنرشحه للمشاهدة الرايقة في الويك إند بدون توقعات كبيرة من المشاهدين.
علشان تبقى عارف:
إيميل هيرش بطل الفيلم شارك قبل كده في أعمال زي Milk و Into the wild.